കൊച്ചി: നടന്‍ ഷെയ്ന്‍ നിഗത്തിനെതിരായ വധഭീഷണി നടത്തിയെന്ന ആരോപണത്തിന് മറുപടിയുമായി നിര്‍മാതാവ് ജോബി ജോര്‍ജ്. ഷെയ്‌നിനെ ഭീഷണിപ്പെടുത്തിയിട്ടില്ല. സിനിമയുടെ ബാക്കി ചിത്രീകരണത്തില്‍ നിന്നും താരം മാറിനില്‍ക്കുകയും പ്രതിഫലം 10ലക്ഷം കൂട്ടി ചോദിക്കുകയുമാണ് ചെയ്തത്. എന്റര്‍ടെയ്‌മെന്റ് ഉടമ ജോബി നിര്‍മിക്കുന്ന വെയില്‍ എന്ന ചിത്രത്തിലെ നായകനാണ് ഷെയ്ന്‍ നിഗം. ഷെയ്ന്‍ കാരണം ചിത്രത്തിലെ നായികയുടെ പഠനം മുടങ്ങിയിരിക്കുകയാണെന്നും നിര്‍മാതാവ് പറഞ്ഞു.

കഴിഞ്ഞ ദിവസം ഫേസ്ബുക്കിലൂടെയാണ് വധഭീഷണി സംബന്ധിച്ചുള്ള കാര്യങ്ങള്‍ താരം പുറത്തുവിട്ടത്. രണ്ടുചിത്രങ്ങളിലായി മൂന്നു ഗെറ്റപ്പിലാണ് ഷെയ്ന്‍ നിഗം എത്തുന്നത്. ചിത്രത്തിന്റെ ഒന്നാം ഷെഡ്യൂള്‍ 20 ദിവസമാണ് നിശ്ചയിച്ചത്, ഇത് 16 ദിവസത്തില്‍ പൂര്‍ത്തീകരിച്ച് സന്തോഷത്തിലാണ് കുര്‍ബാനയിലെ ചിത്രീകരണത്തിനായി പോയത്. വെയിലില്‍ മുടി നീട്ടി വളര്‍ത്തി എത്തുന്നുണ്ട്. കുര്‍ബാനയിലെ കഥാപാത്രത്തിനായി പിറകിലെ മുടി വെയിലിന്റെ ഒന്നാം ഷെഡ്യൂളിന് ശേഷം അല്‍പ്പം മാറ്റിയതാണ് നിര്‍മാതാവിനെ തെറ്റിധരിപ്പിച്ചതെന്ന് ഷെയ്ന്‍ പറഞ്ഞു.

സംഭവത്തില്‍ താര സംഘടനയായ അമ്മയ്ക്ക് പരാതി നല്‍കിയിരിക്കുകയാണ്.