തിരുവനന്തപുരം: ശബരിമലയിലെ വികസന പ്രവര്‍ത്തനങ്ങള്‍ സംബന്ധിച്ച മുഖ്യമന്ത്രി പിണറായി വിജയന്റെ വാദങ്ങള്‍ തെറ്റെന്ന് മുന്‍ മുഖ്യമന്ത്രി ഉമ്മന്‍ചാണ്ടി. ശബരിമലയില്‍ ഈ സര്‍ക്കാര്‍ ഒരു വികസനവും നടത്തിയിട്ടില്ല. പ്രഖ്യാപനങ്ങള്‍ നടത്തുക മാത്രമാണ് ചെയ്തത്. യഥാര്‍ഥ കണക്ക് ഇന്ന് താന്‍ പുറത്തുവിടും. തന്റെ വാദത്തിന് മുഖ്യമന്ത്രി മറുപടി പറയട്ടെയെന്നും ഉമ്മന്‍ചാണ്ടി പറഞ്ഞു.
വികസന പദ്ധതികളില്‍ ബജറ്റില്‍ പ്രഖ്യാപിച്ച തുകയുടെ പകുതിപോലും കൈമാറിയിട്ടില്ല. വികസനം പറഞ്ഞ് മുഖ്യമന്ത്രി ജനങ്ങളെ കബളിപ്പിക്കുകയാണെന്നും അദ്ദേഹം ആരോപിച്ചു.