ആലപ്പുഴ: എം ഇ എസ് ഇംഗ്ലീഷ് മീഡിയം സ്‌കൂളിലെ സ്‌കൗട്ട്-ഗൈഡ് ഗ്രൂപ്പുകളുടെ ആഭിമുഖ്യത്തില്‍ അന്താരാഷ്ട്ര യോഗാദിനാചരണവും സംഗീതവിരുന്നും സംഘടിപ്പിച്ചു. സ്‌കൗട്ട്-ഗൈഡ് വിദ്യാര്‍ഥികള്‍ യോഗ പ്രദര്‍ശനം നടത്തി. പ്രിന്‍സിപ്പല്‍ എ എല്‍ ഹസീന ഉദ്ഘാടനം ചെയ്തു. സ്‌കൗട്ട് ജില്ലാ ഓര്‍ഗനൈസിംഗ് കമ്മീഷണര്‍ കെ ശിവകുമാര്‍, ശില്‍പ ശശി എന്നിവര്‍ യോഗ പ്രദര്‍ശനത്തിന് നേതൃത്വം നല്‍കി. തുടര്‍ന്ന് നടന്ന സംഗീത ദിനാചരണത്തിന്റെ ഭാഗമായി നടന്ന സംഗീത വിരുന്ന് ആര്‍ റോസമ്മ ഉദ്ഘാടനം ചെയ്തു. ഹസീന കെ, ഉഷാകുമാരി പി വി എന്നിവര്‍ സംഗീത വിരുന്ന് നയിച്ചു.