കായംകുളം: പെട്രോളുമായി വന്ന ഗുഡ്‌സ് ട്രെയിനില്‍ നിന്നും പെട്രോള്‍ ചോര്‍ന്നത് ഒന്നര മണിക്കൂറോളംപരിഭ്രാന്തി പടര്‍ത്തി. ഇന്നലെ രാവിലെ 8 മണിയോടെ കായംകുളം റെയില്‍വേ സ്റ്റേഷനില്‍ വച്ചായിരുന്നു സംഭവം.
ഇരുമ്പനത്തു നിന്നും തിരുവനന്തപുരത്തേക്ക് പെട്രോളുമായി പോകുകയിരുന്ന ഗുഡ്‌സ് ട്രെയിന്‍ കായംകുളം സ്റ്റേഷനിലെത്തിയപ്പോഴാണ് ഒരു ടാങ്കില്‍ നിന്നും പെട്രോള്‍ ചോരുന്നതായി അറിഞ്ഞത്.
ഉടന്‍ തന്നെ ലോക്കോ പൈലറ്റും ആര്‍.പി.എഫുംമറ്റു ഉദ്യോഗസ്ഥരും എത്തിചോര്‍ച്ച അടക്കാന്‍ ശ്രമം തുടങ്ങി. ഇതിനിടെ സംഭവം അറിഞ്ഞയാത്രക്കാരും മറ്റും പരിഭ്രാന്തരായി. റെയില്‍വേ അധികൃതര്‍ ഉടന്‍ തന്നെ പൊലീസിനേയും അഗ്‌നിശമന സേനയേയും വിവരമറിയിക്കുകയും ഇവര്‍ക്ക് ജാഗ്രതാ നിര്‍ദ്ദേശം നല്‍കുകയും ചെയ്തു. ഇവരും എല്ലാ വിധ തയ്യാറെടുപ്പുകളും ചെയ്തു. കൂടുതല്‍ പരിശോധനയില്‍ ടാങ്കിലെ വെല്‍ഡുചെയ്ത ഭാഗത്തു കൂടിയാണ് പെട്രോള്‍ ലീക്കാകുന്നതെന്ന് കണ്ടു. ഒന്നര മണിക്കൂറിനു ശേഷം ഗുഡ്‌സ് ട്രെയിന്‍ കൊല്ലത്തേക്കു മാറ്റി.