ദമാം: വർഷങ്ങളായി തൊഴിലെടുത്തു വന്നിരുന്ന കമ്പനി പ്രതിസന്ധിയിലായതോടെ ഇന്ത്യക്കാർ ദുരിതതയിലായി. നിലവിൽ ജോ​ലി​യും ശ​മ്പ​ള​വു​മി​ല്ലാ​തെ 250ലേ​റെ  ഇ​ന്ത്യ​ൻ തൊഴി​ലാ​ളി​ക​ളാണ് കിഴക്കൻ സഊദിയിലെ വ്യാവസായിക മേഖലയായ ജു​ബൈ​ലി​ലെ ലേ​ബ​ർ​ക്യാ​മ്പി​ൽ ദു​രി​ത​ത്തി​ൽ കഴിയുന്നത്. വ​ർ​ഷ​ങ്ങ​ളാ​യി ഇ​വി​ടെ ഒ​രേ ക​മ്പ​നി​യി​ൽ ജോ​ലി ചെ​യ്യു​ന്ന ഇ​വ​ർ​ക്ക് എ​ട്ടു​മാ​സ​മാ​യി ശ​മ്പ​ള​വും ല​ഭി​ച്ചി​ട്ടി​ല്ല. ജോലിയും ശമ്പളവുമില്ലാതെ കഷ്ടപ്പെടുന്ന ഇവരിൽ ഭൂരിഭാഗവും ആ​നു​കൂ​ല്യ​ങ്ങ​ൾ വേ​ണ്ടെ​ന്നു​വെ​ച്ച്​ നാ​ട്ടി​ൽ പോ​കാ​ൻ ഒ​രു​ക്ക​മാ​ണെങ്കിലും വിവിധ പ്രതിസന്ധികൾ ഇവർക്ക് തടസ്സമാകുകയാണ്. സഊദി തൊഴിൽ മന്ത്രാലയം വിഷയത്തിൽ ഇടപെട്ടതോടെ പ്രശ്ന പരിഹാരത്തിനായി കാത്തിരിക്കുകയാണിവർ. 

 

      തൊഴിലാളികളിൽ ഭൂരിഭാഗം പേരുടെയും ഇഖാമ കാലാവധി കഴിഞ്ഞതോടെ ഫൈനൽ എക്സിറ്റ് ലഭിക്കാത്തതാണ് ഇവർക്ക് നാട് അണയാനുള്ള പ്രധാന തടസം. കമ്പനിയിലെ ഇ​ന്ത്യ​ക്കാരായ തൊഴിലാളികൾ റി​യാ​ദ് ഇ​ന്ത്യ​ൻ എംബസി​യി​ൽ  രേ​ഖ​ക​ൾ  കൈ​മാ​റിയതിനെ തുടർന്ന് സഊദി തൊ​ഴി​ൽ മ​ന്ത്രാ​ല​യ​വു​മാ​യി ബ​ന്ധ​പ്പെ​ട്ട് ഫൈ​ന​ൽ എ​ക്സി​റ്റ് കി​ട്ടാ​നു​ള്ള ശ്ര​മം ന​ട​ത്തി​വ​രികയാണിപ്പോൾ. ലേ​ബ​ർ ഓ​ഫി​സ​ർ​മാ​രാ​യ അ​ലി അ​ൽ ഫീ​ഫീ, ഖു​റൈ​ശി എ​ന്നി​വ​രും  സ​ന്ന​ദ്ധ പ്ര​വ​ർ​ത്ത​ക​രോടൊപ്പം  ക്യാ​മ്പ് സ​ന്ദ​ർ​ശി​ച്ച് തൊ​ഴി​ലാ​ളി​ക​ളി​ൽ​നി​ന്ന്​ പ​രാ​തി സ്വീ​ക​രി​ച്ചു. തു​ട​ർ​ന​ട​പ​ടി​ക​ൾ​ക്കാ​യി റി​യാ​ദി​ലേ​ക്ക​യ​ക്കാ​മെ​ന്നും അ​ധി​കൃ​ത​ർ തൊ​ഴി​ലാ​ളി​ക​ൾ​ക്ക് ഉ​റ​പ്പു​ന​ൽ​കിയിട്ടുണ്ട്.

 

ഇ​ഖാ​മ അ​വ​ധി തീ​ർ​ന്ന​വ​ർ​ക്ക് ക​മ്പ​നി​യു​ടെ അ​നു​വാ​ദ​മി​ല്ലാ​തെ​ത​ന്നെ മറ്റു തൊ​ഴി​ല​വ​സ​രം തേ​ടി വി​സ മാ​റാ​മെ​ന്നും തു​ട​ർ​ന്നും കേ​സു​മാ​യി മു​ന്നോ​ട്ടു പോ​യി, കി​ട്ടാ​നു​ള്ള ആ​നു​കൂ​ല്യ​ങ്ങ​ൾ നേ​ടി​യെ​ടു​ക്കാ​ൻ അ​ത് ത​ട​സ്സ​മാ​വി​ല്ലെ​ന്നും ലേ​ബ​ർ ഓ​ഫി​സ​ർ​മാ​ർ അ​റി​യി​ച്ചി​ട്ടു​ണ്ട്.