തിരുവനന്തപുരം: പ്രധാനമന്ത്രി നരേന്ദ്രമോദിയുടെ കൊച്ചി സന്ദര്‍ശന വേളയില്‍ അദ്ദേഹത്തിനു സുരക്ഷാ ഭീഷണി ഉള്ളതായി ഇന്റലിജന്‍സ് റിപ്പോര്‍ട്ട് ചെയ്തിരുന്നെന്ന് മുഖ്യമന്ത്രി പിണറായി വിജയന്‍. അന്ന് അത് പുറത്തുവിടാതിരുന്നതാണെന്നും അദ്ദേഹം മാധ്യമപ്രവര്‍ത്തകരോടു പറഞ്ഞു.
ജേക്കബ് തോമസിന് ഭാവിയില്‍ എന്തു പദവി നല്‍കുമെന്ന് ഇപ്പോള്‍ പറയുന്നില്ല. അതിനെക്കുറിച്ച് ഇപ്പോള്‍ പ്രവചനം നടത്തേണ്ടതില്ല. കൊച്ചി മെട്രോയുടെ ആദ്യയാത്രയില്‍ പ്രധാനമന്ത്രിക്കൊപ്പം ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍ കയറിയതിനെക്കുറിച്ച് ഇപ്പോള്‍ ഒന്നും പറയുന്നില്ല.  മാട്ടിറച്ചി വില്‍പനയ്ക്ക് കേന്ദ്രം നിരോധനം ഏര്‍പെടുത്തിയതിനെക്കുറിച്ചു ചര്‍ച്ച ചെയ്യാന്‍ വിളിച്ച മുഖ്യമന്ത്രിമാരുടെ യോഗം ഉചിതമായ സമയത്തു ചേരുമെന്നും ചോദ്യത്തിനു മറുപടിയായി അദ്ദേഹം പറഞ്ഞു.