കോഴിക്കോട്: ദീര്‍ഘകാലം സമസ്തയുടെ സെക്രട്ടറിയും നിരവധി ശിഷ്യഗണങ്ങളുള്ള പണ്ഡിതനുമായിരുന്ന ശംസുല്‍ ഉലമ ഇ.കെ അബൂബക്കര്‍ മുസ്‌ലിയാരുടെ 24 ാം ഉറൂസ് നവംബര്‍ 24 മുതല്‍ ഡിസംബര്‍ ഒന്നുവരെ കോഴിക്കോട് വരക്കല്‍ മഖാമില്‍ നടക്കും. 24ന് വൈകിട്ട് കൊടി ഉയര്‍ത്തലും ഉദ്ഘാടന സമ്മേളനവും നടക്കും. 24 മുതല്‍ 29 വരെയാണ് മതപ്രഭാഷണം. 28ന് നടക്കുന്ന മജ്‌ലിസുന്നൂറിന് സമസ്ത കേന്ദ്ര മുശാവറ അംഗം മാണിയൂര്‍ അഹമ്മദ് മുസ്‌ലിയാര്‍ നേതൃത്വം നല്‍കും. ഒന്നാം തിയതി ഖത്മ് ദുആയും അന്നദാനവും നടക്കും. നൗഷാദ് ബാഖവി, അന്‍വര്‍ മുഹ്‌യിദ്ദീന്‍ ഹുദവി, കുമ്മനം നിസാമുദ്ദീന്‍ അസ്ഹരി, സിറാജുദ്ദീന്‍ ഖാസിമി, അഷ്‌റഫ് റഹ്മാനി ചൗക്കി, കബീര്‍ ബാഖവി കാഞ്ഞാര്‍ എന്നിവരാണ് പ്രഭാഷണം നടത്തുക. സമാപന സമ്മേളനത്തില്‍ പ്രമുഖ പണ്ഡിത്മാരും നേതാക്കളും സംബന്ധിക്കും.
ഉറൂസിന്റെ സ്വാഗതസംഘം രൂപീകരണം കോഴിക്കോട് സുപ്രഭാതം ഓഡിറ്റോറിയത്തില്‍ നടന്നു. പാണക്കാട് സയ്യിദ് ഹൈദരലി ശിഹാബ് തങ്ങള്‍ മുഖ്യ രക്ഷാധികാരിയും കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ചെയര്‍മാനും എ.വി അബ്ദുറഹ്മാന്‍ മുസ്‌ലിയാര്‍ ജന.കണ്‍വീനറും എം.സി മായിന്‍ ഹാജി ട്രഷററുമായ 1001 അംഗ കമ്മിറ്റിക്ക് രൂപം നല്‍കി.