കണ്ണൂര്‍: അഞ്ചാമത് കേസരി നായനാര്‍ പുരസ്‌കാരത്തിന് ഡോ.സുനില്‍ പി.ഇളയിടം അര്‍ഹനായി. മലയാളത്തിലെ ആദ്യ ചെറുകഥാകാരനും പത്രപ്രവര്‍ത്തകനും സാമാജികനുമായിരുന്ന വേങ്ങയില്‍ കുഞ്ഞിരാമന്‍ നായരുടെ സ്മരണയ്ക്കായി കലാസാംസ്‌കാരിക സംഘടനയായ ഫെയ്‌സ് മാതമംഗലമാണ് പുരസ്‌കാരം നല്‍കുന്നത്. 25,000 രൂപ കാഷ് അവാര്‍ഡും കെ.കെ.ആര്‍ വെങ്ങര രൂപകല്‍പ്പന ചെയ്ത ശില്‍പവും പ്രശസ്തി പത്രവുമടങ്ങിയതാണ് പുരസ്‌കാരം.