മുംബൈ: കേരള ബ്ലാസ്റ്റേഴ്‌സ് താരം ഇഷ്ഫാഖ് അഹമദിന് കോച്ചിങ് ലൈസന്‍സ്. ഏഷ്യന്‍ ഫുട്‌ബോള്‍ കോണ്‍ഫെഡറേഷന്റെ ബി ലൈസന്‍സ് കോച്ചിങ് പരിശീലനം താരം വിജയിച്ചു. ഗോവയില്‍ വച്ച് ഏപ്രില്‍ പത്ത് മുതല്‍ 30 വരെ നടത്തിയ പരിശീലന പരിപാടിയില്‍ വിജയിച്ചാണ് 34കാരനായ ഇഷ്ഫാഖ് അഹമദ് ലൈസന്‍സ് സ്വന്തമാക്കിയത്. ഇഷ്ഫാഖടക്കം എട്ട് പേരാണ് പരിശീലനം വിജയകരമായി പൂര്‍ത്തിയാക്കിയത്. ഐ.എസ്.എല്ലിന്റെ കഴിഞ്ഞ മൂന്ന് സീസണിലും കേരള ബ്ലാസ്റ്റേഴ്‌സിനായാണ് താരം കളത്തിലിറങ്ങിയത്.