നാദാപുരം: ചാരായക്കേസില്‍ ഒളിവില്‍ പോയ പ്രതി പിടിയില്‍. മരുതോങ്കര സെന്റര്‍മുക്കിലെ ചാലില്‍ രാജന്‍ (52) ആണ് വീണ്ടും പിടിയിലായത്. കഴിഞ്ഞവര്‍ഷം രണ്ടു ലിറ്റര്‍ വ്യാജചാരായം ഇയാളില്‍ നിന്ന് പിടികൂടിയിരുന്നു. എക്‌സൈസ് പിടിയില്‍ നിന്ന് ഓടിരക്ഷപ്പെട്ട ഇയാള്‍ ഒളിവില്‍ കഴിയുകയായിരുന്നു. ഇതിനിടയിലാണ് ഇന്‍സ്‌പെക്ടര്‍ എന്‍.കെ ഷാജി, സിവില്‍ ഓഫിസര്‍മാരായ ജയരാജ്, കെ. ഷിരാജ്, സി.പി ചന്ദ്രന്‍, പുഷ്പരാജ് എന്നിവര്‍ ചേര്‍ന്ന് കഴിഞ്ഞദിവസം ഇയാളെ പിടികൂടിയത്. നാദാപുരം ഫസ്റ്റ്ക്ലാസ് മജിസ്‌ട്രേറ്റ് കോടതി പ്രതിയെ 14 ദിവസത്തേക്ക് റിമാന്‍ഡ് ചെയ്തു.