കൊയിലാണ്ടി:  അരിക്കുലം മാവട്ട് മലമുകളിലെ കുറ്റിക്കാടുകളില്‍ ഒളിപ്പിച്ചു വച്ച നിലയില്‍ 800 ലിറ്റര്‍ വാഷ്  പിടികൂടി. കൊയിലാണ്ടി റെയ്ഞ്ച് എക്‌സൈസ് സംഘവും ജില്ലാ എക്‌സൈസ് ഷാഡോ  വിഭാഗവും നടത്തിയ സംയുക്ത പരിശോധനയിലാണ് വാഷ് കണ്ടെത്തിയത്. രഹസ്യ വിവരത്തെ തുടര്‍ന്നാണ്  പരിശോധന നടത്തിയത്. എക്‌സൈസ് റെയ്ഞ്ച് ഓഫിസിലെ അഡി. എക്‌സൈസ് ഇന്‍സ്‌പെക്ടര്‍ ജി.കെ  വിശ്വനാഥന്, സിവില്‍ എക്‌സൈസ് ഓഫിസര്‍മാരായ ശ്രീജിത്ത്, ശിവകുമാര്‍, കെ.കെ റഷീദ്,  പ്രത്യുഷ് റെയ്ഡില്‍ പങ്കെടുത്തു.