ന്യൂഡല്‍ഹി: എസ്.എ ബോബ്‌ദെയെ അടുത്ത സുപ്രിംകോടതി ചീഫ് ജസ്റ്റിസായി നിയമിക്കണമെന്നാവശ്യപ്പെട്ട് ചീഫ് ജസ്റ്റിസ് രഞ്ജന്‍ ഗൊഗോയ് കേന്ദ്ര നിയമ മന്ത്രാലയത്തിനു ശുപാര്‍ശ നല്‍കി. നവംബര്‍ 17ന് ഗൊഗോയ് വിരമിക്കുന്ന പശ്ചാത്തലത്തിലാണ് ശുപാര്‍ശ. ഗൊഗോയ് കഴിഞ്ഞാല്‍ ഏറ്റവും മുതിര്‍ന്ന ജഡ്ജിയായ ബോബ്‌ദെയാണ് ചീഫ് ജസ്റ്റിസാകേണ്ടത്.2021 ഏപ്രില്‍ 23 വരെയാണ് ബോബ്‌ദെയുടെ കാലാവധി. 21 വര്‍ഷം ബോംബെ ഹൈക്കോടതിയുടെ നാഗ്പൂര്‍ ബെഞ്ചില്‍ പ്രാക്ടീസ് ചെയ്തു.