കണ്ണൂര്‍: നോര്‍ത്ത് സോണ്‍ സ്‌കൂള്‍ ഗെയിംസില്‍ തൃശൂരിന് കിരീടം. 10 സ്വര്‍ണവും അഞ്ചു വെള്ളിയും 11 വെങ്കലവുമായി 152 പോയിന്റുമായാണ് തൃശൂര്‍ ചാംപ്യന്മാരായത്. 

പാലക്കാട് രണ്ടാം സ്ഥാനവും ആതിഥേയരായ കണ്ണൂര്‍  മൂന്നാം സ്ഥാനവും നേടി. ഏഴു സ്വര്‍ണവും 10 വെള്ളിയും എട്ടു വെങ്കലവുമായി 146 പോയിന്റുമായാണ് പാലക്കാട് രണ്ടാം സ്ഥാനത്തെത്തിയത്. കണ്ണൂര്‍ 10 സ്വര്‍ണവും എട്ടു വെള്ളിയും നാലു വെങ്കലവുമായി 137 പോയിന്റോടെ  മൂന്നാമതെത്തി.  

നാലാം സ്ഥാനത്തുള്ള  മലപ്പുറം എട്ടു സ്വര്‍ണവും ആറു വെള്ളിയും എട്ടു വെങ്കലവുമായി 127 പോയിന്റ് നേടി. ആറു സ്വര്‍ണവും ഒന്‍പത് വെള്ളിയും എട്ടു വെങ്കലവുമായി 123 പോയിന്റുമായി കോഴിക്കോട് അഞ്ചാം സ്ഥാനത്തും രണ്ടു സ്വര്‍ണവും അഞ്ചു വെള്ളിയും രണ്ടു വെങ്കലവുമായി 51 പോയിന്റുമായി വയനാട്  ആറാം സ്ഥാനത്തുമെത്തി.  

രണ്ടു സ്വര്‍ണവും രണ്ടു വെള്ളിയും നാലു വെങ്കലവുമായി 38 പോയിന്റോടെ കാസര്‍കോട് ഏഴാമതുമായി.