തുറവൂര്‍: ദേശീയപാതയിലെയും പമ്പാ പാതയിലെയും ഫുട്പാത്തുകളില്‍ സ്വകാര്യവാഹനങ്ങളുടെ പാര്‍ക്കിങ് കാല്‍നടയാത്രക്കാര്‍ക്ക് ദുരിതമാകുന്നു. ഇവിടെ സ്ഥിരമായി വാഹനങ്ങള്‍ കിടക്കുന്നതുമൂലം യാത്രക്കാര്‍ക്ക് സുഗമമായി സഞ്ചരിക്കാന്‍ കഴിയുന്നില്ലെന്ന് ആക്ഷേപങ്ങളുണ്ട്.
പല തവണ യാത്രക്കാരുടെ ബുദ്ധിമുട്ടുകള്‍ അധികൃതരുടെ ശ്രദ്ധയില്‍പ്പെടുത്തിയിട്ട് കാര്യക്ഷമമായ നടപടികളൊന്നും സ്വീകരിച്ചിട്ടില്ലെന്ന് യാത്രക്കാര്‍ പറയുന്നു. കാല്‍നടയാത്രക്കാരുടെ ജീവന്‍ സുരക്ഷിതമാക്കുന്നതിന് ഇനിയെങ്കിലും നടപടികള്‍ സ്വീകരിക്കാന്‍ ബന്ധപ്പെട്ടവര്‍ തയാറാകണമെന്ന് കാല്‍നടയാത്രക്കാര്‍ ആവശ്യപ്പെട്ടു.