തിരുവനന്തപുരം: വി. എസ് അച്യുതാനന്ദനെ ആക്ഷേപിച്ച് പ്രസംഗിച്ചതിന് കെ. സുധാകരന്‍ എം.പിക്കെതിരേ ഡി.ജി.പിക്ക് പരാതി നല്‍കി. വട്ടിയൂര്‍കാവിലെ തെരഞ്ഞെടുപ്പ് പ്രചാരണത്തിനിടെയുണ്ടായ പ്രസംഗത്തിലാണ് പരാമര്‍ശം നടത്തിയത്. പൊതുപ്രവര്‍ത്തകനായ രമില്‍ ചേലമ്പ്രയാണ് ഡി.ജി.പിക്ക് പരാതി നല്‍കിയത്.

വറ്റിവരണ്ട തലയോട്ടിയില്‍ നിന്ന് എന്ത് ഭരണപരിഷ്‌ക്കാരമാണ് വരേണ്ടത്. 90 ല്‍ എടുക്ക് നടക്ക് എന്ന ഒരു ചൊല്ലുണ്ട്. പത്തുകോടി ചിലവാക്കി വി.എസ് എന്താണ് കേരളത്തിന് വേണ്ടി ചെയ്തതെന്നായിരുന്നു വിമര്‍ശനങ്ങള്‍. മുന്‍പും ഇത്തരത്തില്‍ വിനര്‍ശനങ്ങള്‍ ഉണ്ടായത് മുന്‍നിര്‍ത്തിയാണ് ഡി.ജി.പിക്ക് പരാതി നല്‍കിയത്.