കുറ്റ്യാടി: ഒളിംപിക്‌സിന് ആരവങ്ങളുയരുമ്പോള്‍ ഷോഘയാത്ര നടത്തിയും വളയങ്ങള്‍ തീര്‍ത്തും പുതുതലമുറക്കാര്‍ ഒളിംപികിനെ വരവേല്‍ക്കാനൊരുങ്ങി. കുറ്റ്യാടി എം.ഐ.യു.പി സ്‌കൂളിലെ കുട്ടികളാണ് അഞ്ച് ഭൂഖണ്ഡങ്ങളെ പ്രതിനിധീകരിക്കുന്ന വളയങ്ങള്‍ തീര്‍ത്തും ഒളിംപിക് സന്ദേശം നല്‍കിയും, ക്വിസ് പ്രോഗ്രാമുകള്‍ സംഘടിപ്പിച്ചും ഒളിംപിക്‌സിനെ വരവേല്‍ക്കുന്നത്.
 സ്‌കൂള്‍ നോട്ടിസ് ബോര്‍ഡില്‍ ഓരോ ദിവസവും ഇടുന്ന ചോദ്യങ്ങള്‍ക്ക് ഉത്തരം കണ്ടെത്തി പെട്ടിയില്‍ നിക്ഷേപിക്കുന്നതിനും സൗകര്യമൊരുക്കിയിട്ടുണ്ട്.  കായികരംഗത്ത് ഒട്ടേറെ പ്രതിഭകളെ വളര്‍ത്തിയെടുക്കാന്‍ നേതൃത്വം കൊടുത്ത സ്‌കൂളിലെ കായിക അധ്യാപകന്‍ എം ഷഫീഖ് മാസ്റ്ററുടെയും കെ.പി.ആര്‍ അഫീഫ് മാസ്റ്ററുടെയും നേതൃത്വത്തിലാണ് ഒളിംപിക്‌സിനെ വരവേല്‍ക്കാന്‍ എം.ഐ.യു.പി സ്‌കൂളിലെ വിദ്യാര്‍ഥികള്‍ ഒരുങ്ങുന്നത്.