പൂച്ചാക്കല്‍: റിയോയില്‍ നടക്കുന്ന ഒളിമ്പിക്‌സിനോടനുബന്ധിച്ച് വടുതല ജമാഅത്ത് ഹയര്‍സെക്കണ്ടറി സ്‌കൂളിലെ വിദ്യാര്‍ഥികള്‍ ഒളിംപിക്‌സ് വളയങ്ങള്‍ തീര്‍ത്തത് കൗതുകമായി. അഞ്ച് ഭൂഖണ്ഡങ്ങളെ അനുസ്മരിപ്പിക്കുന്ന തരത്തില്‍ അഞ്ച് നിറങ്ങളിലായിരുന്നു മുന്നൂറോളം കുട്ടികള്‍ സ്‌കൂള്‍ ഗ്രൗണ്ടില്‍ ഒളിംപിക്‌സ് വളയം തീര്‍ത്തത്.
  സ്‌കൂള്‍ സ്‌പോര്‍ട്‌സ് ക്ലബ്ബിന്റെ നേതൃത്വത്തിലായിരുന്നു പരിപാടി.നാട്ടുകാരെയും പ്രദേശത്തെ മറ്റ് കുട്ടികളെയും പങ്കെടുപ്പിച്ചു കൊണ്ട് വരും ദിവസങ്ങളില്‍ ഒളിമ്പിക്‌സ് പ്രദര്‍ശനവും,ഗ്രൂപ്പായി തിരിച്ച് ഒളിമ്പിക്‌സ് മത്സരങ്ങളും, നടത്തുവാനുള്ള ഒരുക്കത്തിലാണ് സ്‌കൂള്‍ അധികൃതര്‍. വടുതല സ്‌കൂള്‍ ഗ്രൗണ്ടില്‍ നടന്ന പരിപാടിയില്‍ മാനേജര്‍ പരീത്,പ്രധാനാധ്യാപിക നദീറ,കായികധ്യാപകന്‍ ഷമീം അഹ്മദ്, അധ്യാപകരായ സുനില്‍,ഇസ്മായീല്‍,കെ.പി.ഇബ്രാഹീം,അന്‍സാരി,സലീമ, ചന്ദ്രലേഖ,ഷജ്‌ന തുടങ്ങിവര്‍ നേതൃത്വം വഹിച്ചു.