ഛണ്ഡിഗഡ്: ഗൗതം ഗംഭീറിനൊപ്പം ബി.ജെ.പിയിലേക്ക് അടുപ്പിക്കാന്‍ പരമാവധി ശ്രമമുണ്ടായെങ്കിലും കോണ്‍ഗ്രസിനൊപ്പം ചേര്‍ന്ന് വീരേന്ദര്‍ സേവാഗ്. ഹരിയാനയില്‍ കോണ്‍ഗ്രസിന്റെ പ്രചാരണ വേദിയിലാണ് സേവാഗ് എത്തിയത്. ബധ്രയിലെ കോണ്‍ഗ്രസ് സ്ഥാനാര്‍ഥിക്ക് വേണ്ടി പ്രചാരണത്തിനെത്തിയ സേവാഗ് പ്രസംഗിക്കുകയും ചെയ്തു.

പ്രസംഗത്തിന്റെ വീഡിയോ പുറത്തുവന്നിട്ടുണ്ട്. സ്ഥാനാര്‍ഥിയായ രണ്‍ബീര്‍ മഹീന്ദ്ര ഇന്ത്യന്‍ ക്രിക്കറ്റിലേക്ക് വളരാന്‍ നിരവധി പേരെ സഹായിച്ചിട്ടുണ്ടെന്നും തനിക്കും ആ സഹായം ലഭിച്ചതായും സേവാഗ് പറഞ്ഞു. മുന്‍ മുഖ്യമന്ത്രി ബന്‍സിലാലിന്റെ മകനാണ് രണ്‍ബീര്‍

സേവാഗ് ബി.ജെ.പിയില്‍ ചേരുമെന്ന് അടുത്തിടെ അഭ്യുഹങ്ങള്‍ പരന്നിരുന്നു. കഴിഞ്ഞ ലോക്‌സഭാ തെരഞ്ഞെടുപ്പില്‍ സേവാഗ് ബി.ജെ.പി ടിക്കറ്റില്‍ മത്സരിക്കുമെന്നും വാര്‍ത്തകള്‍ വന്നിരുന്നു. എന്നാല്‍ സേവാഗ് തന്നെ ഇതൊക്കെ നിഷേധിക്കുകയായിരുന്നു.