കൊടുങ്ങല്ലൂര്‍: പകര്‍പ്പ് അവകാശലംഘനം കണ്ടെത്തിയതിനെ തുടര്‍ന്ന് മ്യൂസിക് സ്ഥാപനത്തില്‍ നിന്ന് രണ്ടായിരം ജി.ബി.യുടെ ഹാര്‍ഡ് ഡിസ്‌ക്ക് പിടിച്ചെടുത്തു. സ്ഥാപന ഉടമ മതിലകം സ്വദേശി നൗഷാദിനെ കൊടുങ്ങല്ലൂര്‍ പൊലിസ് അറസ്റ്റ് ചെയ്തു. ചന്തപ്പുരയില്‍ പ്രവര്‍ത്തിക്കുന്ന ബീറ്റ്‌സ് മ്യൂസിക്ക്‌സില്‍ നിന്നാണ് 320 സിനിമകള്‍ ഉള്‍ക്കൊള്ളുന്ന ഹാര്‍ഡ് ഡിസ്‌ക്ക് പിടിച്ചെടുത്തത്. തിരുവനന്തപുരത്തു നിന്നെത്തിയ സ്‌ക്വാഡിന്റെ നിര്‍ദ്ദേശപ്രകാരം കൊടുങ്ങല്ലൂര്‍ പൊലിസ് പരിശോധന നടത്തുകയായിരുന്നു.