റിപ്പണ്‍: ജില്ലയിലെ പ്രധാന വിനോദ സഞ്ചാര കേന്ദ്രമായ കാന്തന്‍പാറ വെള്ളച്ചാട്ടത്തിലേക്കുള്ള മൂന്നു കിലോമീറ്റര്‍ റോഡ് പൂര്‍ണമായും തകര്‍ന്നു.
 റോഡ് തകര്‍ന്ന് വര്‍ഷങ്ങളായിട്ടും നന്നാക്കാന്‍ നടപടിയായില്ല. ഇവിടേക്ക് വരുന്ന സഞ്ചാരികളുടെ വാഹനങ്ങള്‍ ഇതുമൂലം കേടാകുന്നത് പതിവായിട്ടുണ്ട്. വനംവകുപ്പിന്റെ കീഴിലായിരുന്ന കാന്തന്‍പാറ 2013-14 വര്‍ഷത്തിലാണ് ഡി.ടി.പി.സിക്ക് കൈമാറുന്നത്. പിന്നീട് കാന്തന്‍പാറയില്‍ ചില അടിസ്ഥാന സൗകര്യങ്ങളൊരുക്കിയിട്ടുണ്ടെങ്കിലും റോഡ് നന്നാക്കാന്‍ ഒരു നടപടിയും ഉണ്ടായിട്ടില്ല.
നിത്യേന നൂറുകണക്കിന് സഞ്ചാരികളാണ് ഇവിടം സന്ദര്‍ശിക്കാനെത്തുന്നത്. ഇവിടേയ്ക്കുള്ള വാഹനയാത്ര ദുഷ്‌ക്കരമായിരിക്കുന്ന അവസ്ഥയില്‍ റോഡ് നന്നാക്കാന്‍ അടിയന്തര നടപടി വേണമെന്ന ആവശ്യം ശക്തമായിരിക്കുകയാണ്.