സ്വന്തം ലേഖകന്‍
ഒറ്റപ്പാലം: ഒറ്റപ്പാലത്ത് നടന്ന 22ാമത് സംസ്ഥാന സ്‌പെഷല്‍ സ്‌കൂള്‍ കലോത്സവത്തില്‍ മലപ്പുറം ജില്ല ഓവറോള്‍ ചാംപ്യന്മാരായി.
340 പോയിന്റ് നേടിയാണ് മലപ്പുറം ഒന്നാമതെത്തിയത്. 310 പോയിന്റുമായി കോഴിക്കോട് രണ്ടാമതും 301 പോയിന്റുമായി പാലക്കാട് മൂന്നാം സ്ഥാനത്തുമെത്തി. കാഴ്ചപരിമിതിയുള്ളവരുടെ വിഭാഗത്തില്‍ (ഒന്നാം ക്ലാസ് മുതല്‍ 7 വരെ) 63 പോയിന്റ് നേടി കോട്ടയം ജില്ല ഓവറോള്‍ ചാംപ്യന്‍മാരായി. 61 പോയിന്റുമായി കോഴിക്കോട് രണ്ടാമതും 56 പോയിന്റുമായി തിരുവനന്തപുരം മൂന്നാമതുമെത്തി.
കാഴ്ചപരിമിതിയുള്ള (എട്ടാം ക്ലാസ് മുതല്‍ 10 വരെ) വിഭാഗത്തില്‍ 68 പോയിന്റുമായി മലപ്പുറം ജില്ല ഓവറോള്‍ ചാംപ്യന്‍മാരായി. 53 പോയിന്റുമായി കോട്ടയം രണ്ടാമതും 52 പോയിന്റുമായി തൃശൂര്‍ മൂന്നാം സ്ഥാനത്തുമെത്തി. കാഴ്ചപരിമിതിയുള്ള ഹയര്‍സെക്കന്‍ഡറി, വി.എച്ച്.എസ്.എസ് വിഭാഗത്തില്‍ 68 പോയിന്റുമായി തിരുവനന്തപുരം ഓവറോള്‍ ചാംപ്യന്‍മാരായി. കോഴിക്കോട് രണ്ടാമതും പാലക്കാട് മൂന്നാമതുമെത്തി. കേള്‍വിപരിമിതിയുള്ള 5 മുതല്‍ 10 വരെയുള്ള ക്ലാസുകളുടെ വിഭാഗത്തില്‍ 70 പോയിന്റുമായി പത്തനംതിട്ട ഓവറോള്‍ ചാംപ്യന്‍മാരായി. 64 പോയിന്റുമായി മലപ്പുറം രണ്ടാമതും 60 പോയിന്റുവീതം നേടി എറണാകുളം, കോഴിക്കോട് ജില്ലകള്‍ മൂന്നാം സ്ഥാനത്തെത്തി.
കേള്‍വിപരിമിതിയുള്ള ഹയര്‍സെക്കന്‍ഡറി, വി.എച്ച്.എസ്.എസ് വിഭാഗത്തില്‍ 68 പോയിന്റ് നേടി പാലക്കാട് ജില്ല ഓവറോള്‍ ചാംപ്യന്‍മാരായി. 63 പോയിന്റുമായി പത്തനംതിട്ട രണ്ടാമതും 54 പോയിന്റുമായി കോഴിക്കോട് മൂന്നാമതുമെത്തി.