കൊയിലാണ്ടി: നഗരത്തില്‍ തെരുവുനായകളുടെ ശല്യം രൂക്ഷമാകുന്നു.
ബസ് സ്റ്റാന്‍ഡുകള്‍, ഫുട്പാത്തുകള്‍, നിര്‍മാണം നടക്കുന്ന കെട്ടിടങ്ങള്‍, ഇടവഴികള്‍ എന്നിവടങ്ങളില്‍ തെരുവുനായകള്‍ കൂട്ടം കൂടി നിന്ന് യാത്രക്കാരെ അക്രമിക്കുന്നത് നഗരത്തില്‍ നിത്യസംഭവമാകുന്നുണ്ട്. നഗരത്തിലെ സ്‌കൂള്‍ കാംപസുകളിലും നായകളുടെ ശല്യം രൂക്ഷമായതായി വിദ്യാര്‍ഥികള്‍ പറയുന്നു. തെരുവുനായകളെ പിടികൂടുന്നതും കൊല്ലുന്നതും ശിക്ഷാര്‍ഹമായത് നഗരസഭ ആരോഗ്യ വകുപ്പ് അധികൃതര്‍ക്ക് ഒന്നു ചെയ്യാനാകാത്ത അവസ്ഥയാണ് ഉണ്ടാക്കിയിരിക്കുന്നത്.
കഴിഞ്ഞ ദിവസം ബസ് സ്റ്റാന്‍ഡില്‍ ബസ് കാത്തിരിക്കുകയായിരുന്നവരുടെ നേരെ ഉണ്ടായ തെരുവുനായകളുടെ അക്രമം യാത്രക്കാരെ ഭീതിയിലാക്കിയിരിക്കുകയാണ്. തെരുവു നായകളുടെ ഉപദ്രവങ്ങളില്‍നിന്നു ജനങ്ങള്‍ക്ക് സംരംക്ഷണം ഉറപ്പു വരുത്താന്‍ അധികൃതര്‍ കര്‍ശന നടപടികള്‍ സ്വീകരിക്കണമെന്നാണ് നാട്ടുകാര്‍ ആവശ്യപ്പെടുന്നത്.