മുക്കം: റോട്ടറി ക്ലബ് ഇന്റര്‍നാഷനല്‍ കോഴിക്കോട് സിറ്റി ചാപ്റ്റര്‍ ഏര്‍പ്പെടുത്തിയ ജില്ലയിലെ മികച്ച സ്‌കൂളിനുള്ള അവാര്‍ഡ് കൊടിയത്തൂര്‍ പി.ടി.എം ഹയര്‍ സെക്കന്‍ഡറി സ്‌കൂളിന്.
പാഠ്യ-പാഠ്യേതര രംഗത്തെ മികവിന്റെ അടിസ്ഥാനത്തിലാണ് അവാര്‍ഡ് നല്‍കിയത്. ജില്ലയില്‍ തന്നെ ഏറ്റവും കൂടുതല്‍ വിദ്യാര്‍ഥികള്‍ എസ്.എസ്.എല്‍.സി പരീക്ഷ എഴുതുന്ന സ്‌കൂള്‍ എല്ലാ വര്‍ഷവും മികച്ച മുന്നേറ്റമാണ് നടത്തുന്നതെന്നും അഞ്ചു തവണ മുക്കം ഉപജില്ലാ കലോത്സവ ചാംപ്യന്‍ഷിപ്പില്‍ കിരീടം ചൂടിയതടക്കമുള്ള നേട്ടങ്ങളാണ് അവാര്‍ഡിനര്‍ഹരാക്കിയതെന്ന് അധ്യാപകര്‍ പറഞ്ഞു. കോഴിക്കോട്ട് നടന്ന ചടങ്ങില്‍ ഐ.എം.എ ജില്ലാ പ്രസിഡന്റ് ഡോ. പി.എന്‍ അജിതയില്‍ നിന്ന് പ്രധാനാധ്യാപകന്‍ പി.ജെ കുര്യന്‍ അവാര്‍ഡ് ഏറ്റുവാങ്ങി. ഡോ. പി.പി പ്രമോദ് കുമാര്‍ അധ്യക്ഷനായി. ഡോ. എം.പി പത്മനാഭന്‍, ഡോ. എ.എം ബഷീര്‍, സഞ്ജീവ് ബാബു, എ. നാസര്‍, ഗുലാം ഹുസൈന്‍ സംസാരിച്ചു.