കട്ടാങ്ങല്‍: എം.ഇ.എസ് വിദ്യാഭ്യാസ പക്ഷാചരണത്തിന്റെ ഭാഗമായി ജില്ലാ കമ്മിറ്റി രാജാ റസിഡന്‍ഷ്യല്‍ സ്‌കൂളില്‍ 'പ്രചോദനം 2017' സംഘടിപ്പിച്ചു. ചടങ്ങില്‍ നിര്‍ധനരായ വിദ്യാര്‍ഥികള്‍ക്ക് പഠനോപകരണങ്ങള്‍ വിതരണം ചെയ്തു. ചാത്തമംഗലം പഞ്ചായത്ത് പ്രസിഡന്റ് കെ.എസ് ബീന ഉദ്ഘാടനം ചെയ്തു. സ്‌കൂള്‍ വൈസ് ചെയര്‍മാന്‍ കെ.വി സുബൈര്‍ അധ്യക്ഷനായി. ജില്ലാ സെക്രട്ടറി പി.കെ അബ്ദുല്‍ ലത്തീഫ്, കുന്ദമംഗലം ആര്‍ട്‌സ് കോളജ് പ്രിന്‍സിപ്പല്‍ ഇന്‍ ചാര്‍ജ് പ്രൊഫ. നൗഫല്‍, ഹസ്സന്‍ തിക്കോടി, പി.ടി അസൈന്‍കുട്ടി, അബൂബക്കര്‍ മാസ്റ്റര്‍, സുധീര്‍, ടി.കെ.സി മുഹമ്മദ് സംസാരിച്ചു. രാജാ സ്‌കൂള്‍ സെക്രട്ടറി പ്രൊഫ. എ.എം.പി ഹംസ സ്വാഗതവും പ്രിന്‍സിപ്പല്‍ രമേശ് കുമാര്‍ നന്ദിയും പറഞ്ഞു.