മുക്കം: തെച്യാട് വാര്‍ഡ് മുസ്‌ലിം ലീഗ് കമ്മിറ്റിയുടെ ആഭിമുഖ്യത്തില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നതവിജയം നേടിയ വിദ്യാര്‍ഥികള്‍ക്കുള്ള അനുമോദനവും ശിഹാബ് തങ്ങള്‍ സ്മാരക റിലീഫ് സെല്ലിന്റെ പെരുന്നാള്‍ കിറ്റ് വിതരണവും നടത്തി.
അനുമോദന ചടങ്ങ് മുന്‍ എം.എല്‍.എ വി.എം ഉമ്മര്‍ മാസ്റ്ററും കിറ്റ് വിതരണം ജില്ലാ പഞ്ചായത്ത് മെംബര്‍ സി.കെ കാസിമും ഉദ്ഘാടനം ചെയ്തു. ചെയര്‍മാന്‍ ഇ.കെ ഹുസൈന്‍ ഹാജി അധ്യക്ഷനായി. മുനിസിപ്പല്‍ കൗണ്‍സിലര്‍ പി.കെ മുഹമ്മദ്, മുസ്‌ലിം ലീഗ് മുനിസിപ്പല്‍ സെക്രട്ടറി ഗഫൂര്‍ കല്ലുരുട്ടി, ദാവൂദ് മുത്താലം, എ.എം അഹമ്മദ് കുട്ടി ഹാജി, പി.വി അബ്ദുറഹിമാന്‍, യു.കെ ഉണ്ണി മോയി, ഐ.പി ഉമര്‍, യു.കെ ഹുസൈന്‍, ഷബീറലി പ്രസംഗിച്ചു.