തിരുവനന്തപുരം: മേലെ പൂങ്കളത്ത് കോളിയൂരില്‍ യുവാവിനെ വെട്ടി കൊലപ്പെടുത്താന്‍ ശ്രമിച്ച കുപ്രസിദ്ധ ഗുണ്ടയായ പൂങ്കളം എല്‍ പി സ്‌കൂളിന് സമീപം ചരുവിള പുത്തന്‍വീട്ടില്‍ ചമ്മന്തി ശരത് എന്ന ശരത്ത് (25) നെ സിറ്റി ഷാഡോ പൊലിസ് പിടികൂടി.
 പൂങ്കളം സ്വദേശിയായ മനോജ് എന്ന യുവാവിനെ മുന്‍വൈരാഗ്യത്തിന്റെ പേരില്‍ പൂങ്കളം സി.ജി.എ കോമ്പൗണ്ടിന് സമീപത്ത് വെച്ച് പട്ടാപ്പകല്‍ നാട്ടുകാര്‍ നോക്കി നില്‍ക്കയാണ് ചമ്മന്തി ശരത്തും കൂട്ടാളികളും വെട്ടി മാരകമായി പരിക്കേല്‍പ്പിച്ചത്.
കഞ്ചാവിനും മയക്ക് മരുന്നിനും അടിമയായ ശരത്തിന്റെ നേതൃത്വത്തില്‍ പൂങ്കുളം ഭാഗത്ത് നാട്ടുക്കാര്‍ക്ക് ശല്യമായ ഗുണ്ടാസംഘം രൂപികരിച്ച് ഗുണ്ടാ പ്രവര്‍ത്തനം ആരംഭിക്കുന്നതിന്റെ ഭാഗമായി ആണ് മുന്‍വൈരാഗ്യം എന്ന പേരില്‍ മനോജിനെ വെട്ടി പരിക്കോല്‍പ്പിച്ചത് .
 മനോജിനെ വെട്ടിപ്പരിക്കേല്‍പ്പിച്ച സംഭവം നടന്ന ഉടന്‍ തന്നെ തിരുവനന്തപുരം സിറ്റി പൊലിസ് കമ്മിഷണര്‍ രൂപികരിച്ച പ്രത്യാക ഷാഡോ സംഘം ഒളിതാവളത്തില്‍ നിന്നുമാണ് ശരത്തിനെ പിടികൂടിയത്.
ശരത്തിന്റെ കൂട്ടാളികള്‍ ഉടന്‍ തന്നെ വലയിലാകുമെന്ന് പൊലിസ് അറിയിച്ചു.
തിരുവനന്തപുരം സിറ്റി പൊലിസ് കമ്മിഷണര്‍ സ്പര്‍ജന്‍ കുമാറിന്റെ നിര്‍ദ്ദേശ പ്രകാരം കണ്‍ട്രേള്‍ റൂം അസിസ്റ്റന്റ് കമ്മിഷണര്‍ വി.സുരേഷ് കുമാറിന്റെ മേല്‍നോട്ടത്തില്‍ തിരുവല്ലം എസ്.ഐ.ശികാന്ത് മിശ്ര, ഷാഡോ എസ് ഐ സുനില്‍ ലാല്‍, ഷാഡോ ടിം അംഗങ്ങള്‍ എന്നിവര്‍ ഉള്‍പ്പെട്ട ടിം ആണ് അന്വേഷണത്തിനും അറസ്റ്റിനും നേതൃത്വം നല്‍കിയത്.