തിരുവനന്തപുരം: നഗരത്തില്‍ വീണ്ടും കഞ്ചാവ് വേട്ട. നിരവധി കേസുകളിലെ പ്രതിയായ ചെമ്പഴന്തി കീരിക്കുഴി ദിവ്യാഭവനില്‍ അപ്പൂസ് എന്ന് വിളിക്കുന്ന ദീപു (25) ഷാഡോ പൊലിസിന്റെ പിടിയിലായി.
 നിരവധി കേസുകളിലെ പ്രതിയായ ഇയാളില്‍ നിന്ന് ഒന്നര കിലോയോളം കഞ്ചാവ് കണ്ടെത്തി. വാഹന മോഷണം, മാല പിടിച്ചുപറി എന്നിങ്ങനെ നിരവധി കേസുകള്‍ ഇയാള്‍ക്കെതിരേയുണ്ട്. അടുത്തിടെ പിടിച്ച കഞ്ചാവ് കച്ചവടക്കാരനില്‍ നിന്നും കിട്ടിയ വിവരത്തിന്റെ അടിസ്ഥാനത്തില്‍ പൊലിസ് നടത്തിയ അന്വേഷണത്തിലാണ് ഇയാളും പിടിയിലാകുന്നത്. ന
ജില്ലയിലെ വിദ്യാലയങ്ങള്‍ കേന്ദ്രീകരിച്ച് കഞ്ചാവ് കച്ചവടം നടത്തുന്ന സംഘങ്ങളെക്കുറിച്ച് പൊലിസ് അന്വേഷണം ശക്തമാക്കിയിട്ടുണ്ട്. മുന്‍കാലങ്ങളില്‍ പിടികൂടിയ കഞ്ചാവ് വില്‍പ്പനക്കാരില്‍ നിന്നും കൂടുതല്‍ വിവരങ്ങള്‍ ശേഖരിച്ചിട്ടുണ്ട്. കഞ്ചാവിന്റെ ഉറവിടം കണ്ടുപിടിക്കുന്നതിനും കച്ചവടം, കൈമാറ്റം ചെയ്യുന്നവരെക്കുറിച്ചും കൂടുതല്‍ വിവരങ്ങള്‍ ശേഖരിക്കുന്നതിന് പ്രത്യേക ഷാഡോ ടീം രൂപീകരിച്ച് പ്രവര്‍ത്തനം ആരംഭിച്ചതായും നഗരത്തിലെ കഞ്ചാവ് മയക്കുമരുന്ന് മാഫിയയ്‌ക്കെതിരേ ഇപ്പോള്‍ പിടിയിലായവരില്‍ നിന്നും ലഭിച്ച വിവരങ്ങള്‍ ഉള്‍പ്പെടുത്തി വരും ദിവസങ്ങളിലും ശക്തമായ അന്വേഷണം നടത്തുമെന്നും സിറ്റി പൊലിസ് കമ്മിഷണര്‍ സ്പര്‍ജന്‍ കുമാര്‍ അറിയിച്ചു.
ഡി.സി.പി. അരുള്‍ ബി. കൃഷ്ണ ഐ.പി.എസ്.ന്റെ നിര്‍ദ്ദേശാനുസരണം സിറ്റി കണ്‍ട്രോള്‍ റൂം അസിസ്റ്റന്റ് കമ്മീഷണര്‍ സുരേഷ് കുമാര്‍ വി.
 മെഡി. കോളജ് എസ്.ഐ. ഗിരിലാല്‍, എസ്.ഐ. ബാബു, ഷാഡോ എസ്.ഐ. സുനില്‍ ലാല്‍, സിറ്റി ഷാഡോ ടീം അംഗങ്ങള്‍ അറസ്റ്റിനും അന്വേഷണത്തിനും നേതൃത്വം നല്‍കി.