ഒറ്റപ്പാലം: ഖുര്‍ആന്‍ ആധുനിക സമൂഹത്തിന് ഉത്തമ വഴി കാട്ടിയാണെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ പറഞ്ഞു. കോതകുര്‍ശ്ശി അബ്ദുല്ല ഹിഫ്‌ളുല്‍ ഖുര്‍ആന്‍ കോളജ് നാലാംവാര്‍ഷിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കോളജ് ചെയര്‍മാന്‍ അല്‍ ഹാഫിള് അഹമ്മദ് കബീര്‍ ബാഖവി കാഞ്ഞാര്‍ അധ്യക്ഷനായി. നൗഷാദ് ബാഖവി മുഖ്യപ്രഭാഷണം നടത്തി. സമസ്ത നേതാക്കളായ നെല്ലായ കുഞ്ഞിമുഹമ്മദ് മുസ്‌ലിയാര്‍, കെ പി സി തങ്ങള്‍ വല്ലപ്പുഴ, ആദൃശ്ശേരി ഹംസക്കുട്ടി മുസ്ലിയാര്‍, സത്താര്‍ പന്തല്ലൂര്‍, ടി.പി അബൂബക്കര്‍ മുസ്‌ലിയാര്‍, ഹബീബ് ഫൈസി കോട്ടോപ്പാടം പ്രസംഗിച്ചു. മൗലിദ് സദസ്സിന് എസ.് വൈ .എസ് സംസ്ഥാന വൈസ് പ്രസിഡന്റ് പി.കെ ഇമ്പിച്ചി കോയ തങ്ങള്‍ നേതൃത്വം നല്‍കി. ടി.പി മുഹമ്മദ് മുസ്ലിയാര്‍ പാലക്കോട് പ്രാര്‍ഥന നിര്‍വഹിച്ചു. സൗഹൃദ സംഗമം അനങ്ങനടി ഗ്രാമ പഞ്ചായത്ത് പ്രസിഡന്റ് എന്‍.ആര്‍ രഞ്ജിത്ത് ഉദ്ഘാടനം ചെയ്തു. സ്വാമി ആത്മദാസ് ധര്‍മ്മ പക്ഷ, സ്വലാഹുദ്ധീന്‍ ഫൈസി വല്ലപ്പുഴ, സൈനുല്‍ ആബിദീന്‍ മഹ്‌ളരി, റഷീദ് ഫൈസി, അബ്ദുറഹ്മാന്‍ ഒളവട്ടൂര്‍, കെ മുഹമ്മദ് ബാപ്പുട്ടി, സജീവന്‍, ഇബ്രാഹിം മേനക്കം, കെ അഷ്‌റഫ്, മണികണ്ഠന്‍, കെ കെ സിദ്ധീഖ്, എ മുഹമ്മദ് കുട്ടി, പി.എസ് അബൂബക്കര്‍, പി.എം യുസുഫ്, മൊയ്ദീന്‍ കോയ, എ. ഇ .എ സെക്രട്ടറി ഡോ. പി.ടി അബ്ദുറഹ്മാന്‍, ജനറല്‍ കണ്‍വീനര്‍ എം.ടി സൈനുല്‍ ആബിദീന്‍ മാസ്റ്റര്‍ സംബന്ധിച്ചു.