കുമ്പള: ടിപ്പര്‍ ലോറി ഡ്രൈവറെ കുത്തേറ്റ നിലയില്‍ മംഗളുരുവിലെ ആശുപത്രിയില്‍ പ്രവേശിപ്പിച്ചു. കര്‍ണാടക പുത്തൂരിലെ നവീനി(33)നാണു കുത്തേറ്റത്.
സംഭവത്തില്‍ രണ്ടു പേര്‍ക്കെതിരേ കുമ്പള പൊലിസ് വധശ്രമത്തിനു കേസെടുത്തു. ഹബി എന്ന അഭിലാഷ്, ഹബീബ് എന്നിവര്‍ക്കെതിരേയാണ് കേസ്.
ഇന്നലെ വൈകീട്ട് കുമ്പള ദീപക് ഗ്യാരേജിന് സമീപത്തു വച്ചാണ് നവീനെ കുത്തിപ്പരുക്കേല്‍പ്പിച്ചത്.
മുന്‍ വൈരാഗ്യമാണ് അക്രമത്തിനു കാരണമെന്നു പറയുന്നു.