റിയാദ്: വിവിധ ട്രാഫിക് നിയമ ലംഘനത്തെ തുടര്‍ന്ന് നിയമ പ്രശനങ്ങളെ തുടര്‍ന്ന് നാട്ടില്‍ പോകാന്‍ കഴിയാതെ ദുരിതത്തിലായ മലയാളി നാടണഞ്ഞു. തിരുവനന്തപുരം ആലംകോട് സ്വദേശി ഫെബിന്‍ ആണ് സാമൂഹ്യ പ്രവര്‍ത്തകരുടെ ഇടപെടലിനെ തുടര്‍ന്ന് നാട്ടിലേക്ക് പോകാന്‍ വഴിയൊരുങ്ങിയത്. ലൈസന്‍സില്ലാതെ സിഗ്‌നല്‍ കട്ട് ചെയ്തു വാഹനം ഓടിച്ചതടക്കം നിരവധി വകുപ്പുകള്‍ പ്രകാരം മൂന്നു മാസം ജയില്‍ ശിക്ഷ അനുഭവിക്കുകയും നാല്പതിനായിരം റിയാല്‍ (ഏഴര ലക്ഷം രൂപ) പിഴയുമാണ് ഫൈന്‍ ലഭിച്ചിരുന്നത്.

സഹായിക്കാന്‍ ആരുമില്ലാതെ മലയാളി മൂന്ന് മാസമായി ജയിലില്‍ കിടക്കുന്നു എന്ന വാര്‍ത്തയെ തുടര്‍ന്ന് ജീവകാരുണ്യ പ്രവര്‍ത്തകനും പ്ലീസ് ഇന്ത്യ (പ്രവാസി ലീഗല്‍ ഐഡ് സെല്‍) പ്രസിഡന്റുമായ ഷാനവാസ് രാമഞ്ചിറ കേസില്‍ ഇടപെടുകയായിരുന്നു. ഇദ്ദേഹം ജയില്‍ അധികൃതരെ സമീപിച്ചപ്പോഴാണ് നിയമ ലംഘനങ്ങള്‍ വ്യക്തമായത്. എന്നാല്‍ സിഗ്‌നല്‍ കട്ട് ചെയ്തില്ലെന്നും ഭാഷ അറിയാത്ത ഫെബിന്‍ പറഞ്ഞത് കേട്ടു ഉദ്യോഗസ്ഥര്‍ തെറ്റിധരിച്ചതാണെന്നും ഷാനവാസ് രാമഞ്ചിറ ട്രാഫിക് ക്യാപറ്റനെ ബോധിപ്പിച്ചതിന്റെ അടിസ്ഥാനത്തില്‍ ഫെബിന് ജാമ്യം അനുവദിക്കുക ആയിരുന്നു.

ഇതിനിടെ, എതിര്‍ വാഹനത്തില്‍ വന്ന സോമാലിയകാരിയായ സ്ത്രീക്ക് കൈക്ക് പരിക്ക് പറ്റുകയും അവര്‍ കോടതിയെ സമീപിക്കുകയും ചെയ്തതിനെ തുടര്‍ന്ന് കോടതി ഫെബിന് യാത്ര വിലക്ക് ഏര്‍പ്പെടുത്തുകയും ചെയ്തു. എന്നാല്‍, 18000 (മൂന്നരലക്ഷം രൂപ) റിയാല്‍ കൊടുക്കാന്‍ കോടതിവിധി വരുകയും എന്നാല്‍ പണം കണ്ടെത്താന്‍ കഴിയാതെ വന്ന ഫെബിന്റെ അവസ്ഥ വാര്‍ത്തയിലൂടെ അറിഞ്ഞ ജിദ്ദയില്‍ ജോലി ചെയ്യുന്ന ഗഫൂര്‍ എംഎം പറമ്പ് ഫെബിന്‍ സഹായ നിധി എന്ന ഗ്രൂപ്പ് രൂപികരിച്ചു നടത്തിയ ശ്രമം വിജയിക്കുകയും നാട്ടില്‍ നിന്നും സഊദിയില്‍ നിന്നും സുമനസ്സുകള്‍ സഹായിച്ചു. ഈ തുക കണ്ടെത്തുകയും പൈസ കോടതിയില്‍ കെട്ടിവെച്ചു പ്രശ്‌നം പരിഹരിക്കുകയും ചെയ്യുകയായിരുന്നു.

22000 റിയാല്‍ എതിര്‍ വാഹനത്തിന്റെ നഷ്ടപരിഹാരം അടച്ചിരുന്നു എങ്കിലും അതിന്റെ നിയമ നടപടികള്‍ പൂര്‍ത്തിയാക്കിയിരുന്നില്ല. ഷാനവാസ് രാമഞ്ചിറയുടെ നിരന്തര ഇടപെടലിനെ തുടര്‍ന്ന് ഗഫൂര്‍ എംഎം പറമ്പ് കൊടുത്ത ടിക്കറ്റില്‍ കഴിഞ്ഞ ദിവസമാണ് ഫെബിന്‍ നാട്ടിലെത്തിയത്. ലത്തീഫ് തെച്ചി, ഗഫൂര്‍ എംഎം പറമ്പ് , ഷാഹിദ് വടപുറം, ഇല്യാസ് കാസര്‍ഗോഡ്, ഷറഫു മണ്ണാര്‍കാട്, മന്‍സൂര്‍ കാരയില്‍, എന്നിവരും വിവിധ ഘട്ടങ്ങളില്‍ സഹായത്തിനുണ്ടായിരുന്നു.