തിരുവനന്തപുരം: രഞ്ജി ട്രോഫി ക്രിക്കറ്റ് ടൂര്‍ണ്ണമെന്റിലെ രണ്ടണ്ടാം ഹോം മത്സരത്തില്‍ കേരളം ആന്ധ്രയെ ഒന്‍പത് വിക്കറ്റിന് പരാജയപ്പെടുത്തി. സെന്റ് സേവ്യേഴ്‌സ് കോളജ് കെ.സി.എ ക്രിക്കറ്റ് ഗ്രൗണ്ടണ്ടില്‍ നടന്ന മത്സരത്തിലെ 4-ാം ദിവസത്തിന്റെ തുടക്കത്തില്‍ തന്നെ കേരളം ജയം കൈപ്പിടിയിലൊതുക്കുകയായിരുന്നു.
അവസാന ദിവസം 43 റണ്‍സിന്റെ വിജയലക്ഷ്യവുമായി ബാറ്റിങ്ങിനിറങ്ങിയ കേരളം 13 ഓവറില്‍ ഒരു വിക്കറ്റ് നഷ്ടത്തില്‍ വിജയം കണ്ടെണ്ടത്തി.
കേരള താരം ജലജ് സക്‌സേനയുടെ ഓള്‍റൗണ്ടണ്ട് മികവാണ് കേരളത്തിന്റെ വിജയം അനായാസമാക്കിയത്. ആദ്യ ഇന്നിങ്ങ്‌സില്‍ സെഞ്ചുറിയും രണ്ടണ്ട്് ഇന്നിങ്‌സുകളില്‍ നിന്നായി ഒന്‍പത് വിക്കറ്റും വീഴ്ത്തിയ ജലജ് സക്‌സേനയാണ് മാന്‍ ഓഫ് ദി മാച്ച്. സ്‌കോര്‍: ഒന്നാം ഇന്നിങ്ങ്‌സ് ആന്ധ്ര- 254, കേരളം 328. രണ്ടണ്ടാം ഇന്നിങ്‌സ് ആന്ധ്ര 115, കേരളം 1ന് 43.
രഞ്ജി ട്രോഫിയില്‍ ആന്ധ്രക്കെതിരേ കേരളത്തിന്റെ 14ാമത്തെ വിജയമാണിത്. 2011-12 സീസണിലാണ് കേരളം ആന്ധ്രയെ അവസാനം പരാജയപ്പെടുത്തിയത്. ഈ വിജയത്തോടെ ലഭിച്ച ആറ് പോയിന്റുള്‍പ്പെടെ കേരളത്തിന് എലൈറ്റ് എ, ബി ഗ്രൂപ്പില്‍ ഏഴു പോയിന്റാണുള്ളത്. ഹൈദരാബാദുമായി നടന്ന ആദ്യ മത്സരം സമനിലയിലായിരുന്നു.
ഈ മാസം 20ന് ഈഡന്‍ ഗാര്‍ഡനില്‍വച്ച് ബംഗാളുമായാണ് കേരളത്തിന്റെ അടുത്ത മത്സരം. നിലവിലുള്ള താരങ്ങള്‍ക്ക് പുറമെ ഓള്‍റൗണ്ടര്‍ വിനോദ്കുമാറിനെ അടുത്ത മത്സരത്തിനായി ടീമില്‍ ഉള്‍പ്പെടുത്തിയിട്ടുണ്ട്.