കൊച്ചി: കഴിഞ്ഞ ദിവസമുണ്ടായ മഴയില്‍ വീട്ടില്‍ വെള്ളം കയറിയത് ലോകത്തെ അറിയിക്കാനിട്ട ഫേസ്ബുക്ക് പോസ്റ്റ് ഹൈബി ഈഡന്റെ ഭാര്യക്ക് വിനയായി. അവരുടെ പോസ്റ്റിനെതിരെ സോഷ്ല്‍മീഡിയ ആഞ്ഞടിക്കുകയായിരുന്നു. ഒടുവില്‍ പോസ്റ്റ് പിന്‍വലിക്കേണ്ടി വന്നു അന്ന ലിന്‍ഡക്ക്.

വിധി ബലാത്സംഗം പോലെയാണ്. നിങ്ങള്‍ക്ക് തടുക്കാന്‍ കഴിയുന്നില്ലെങ്കില്‍ അത് ആസ്വദിക്കൂ എന്നായിരുന്നു പോസ്റ്റ്.
വീട്ടിന് ചുറ്റും വെള്ളം നിറഞ്ഞപ്പോള്‍ റെസ്‌ക്യൂ ബോട്ടില്‍ കുഞ്ഞിനെ സുരക്ഷിത സ്ഥാനത്തേക്ക് മാറ്റുന്ന വീഡിയോയും ഒപ്പം സ്ഥലത്തില്ലാത്ത ഹൈബി ഈഡന്‍ എംപി ആസ്വദിച്ച് ഐസ്‌ക്രീം കഴിക്കുന്ന വീഡിയോയും പോസ്റ്റില്‍ ഉള്‍പെടുത്തിയിരുന്നു.

അതിരൂക്ഷമായാണ് സോഷ്യല്‍ മീഡിയ ഇതിനോട് പ്രതികരിച്ചത്.