തൃശൂര്‍: കേസുമായി ബന്ധപ്പെട്ട് കോടതിയില്‍ ഹാജരാകാതിരുന്ന എ.ഡി.ജി.പി ടോമിന്‍ തച്ചങ്കരിക്കെതിരേ പൊതുപ്രവര്‍ത്തകനായ പി.ഡി ജോസഫ് തൃശൂര്‍ വിജിലന്‍സ് കോടതിയില്‍ ഹരജി നല്‍കി. ഹരജി ഇന്ന് പരിഗണിക്കും. സിംഗപ്പൂരില്‍ നിന്നും ഇലക്ട്രോണിക് ഉപകരണങ്ങള്‍ കടത്തിയെന്നാരോപിച്ചാണ് പി.ഡി ജോസഫ് ടോമിന്‍ തച്ചങ്കരിക്കെതിരേ 2001ലാണ് ഹരജി നല്‍കിയിരുന്നത്. എന്നാല്‍ 2007ല്‍ മാത്രമാണ് എഫ്.ഐ.ആര്‍ രജിസ്റ്റര്‍ ചെയ്തത്.
തുടര്‍ന്ന് നീണ്ട വര്‍ഷങ്ങള്‍ നിയമയുദ്ധം നടത്തിയ ശേഷമാണ് കഴിഞ്ഞ വര്‍ഷം കേസെടുത്തത്. എന്നാല്‍ ഒന്‍പതു തവണ തച്ചങ്കരിയോട് കോടതിയില്‍ ഹാജരാകണമെന്ന് പറഞ്ഞിട്ടും ഹാജരായിരുന്നില്ലെന്നാണ് പരാതി. ഇതിനെ തുടര്‍ന്നാണ് ജോസഫ് കോടതിയെ സമീപിച്ചത്.