തിരുവനന്തപുരം: മണ്ണന്തല ഗവണ്‍മെന്റ് കൊമേഴ്‌സ്യല്‍ ഇന്‍സ്റ്റിറ്റ്യൂട്ടില്‍ ഡിപ്ലോമ ഇന്‍ സെക്രട്ടേറിയല്‍ പ്രാക്ടീസ് പരിഷ്‌കരിച്ച സിലബസിന്റെ ജില്ലാതല ഉദ്ഘാടനം ജില്ലാപഞ്ചായത്ത് പ്രസിഡന്റ് വി.കെ. മധു നിര്‍വഹിച്ചു.
ജില്ലാപഞ്ചായത്തിന്റെ കീഴിലുള്ള ഇന്‍സ്റ്റിറ്റ്യൂട്ടില്‍ പുതുക്കിയ പാഠ്യപദ്ധതി പ്രകാരം നാലു സെമസ്റ്ററുകളിലായാണ് സെക്രട്ടേറിയല്‍ പ്രാക്ടീസ് കോഴ്‌സ് നടത്തുന്നത്. കൂടുതല്‍ പ്രായോഗിക വിഷയങ്ങള്‍ ഉള്‍പ്പെടുത്തിയാണ് സിലബസ് പരിഷ്‌കരിച്ചത്.
ജില്ലാ പഞ്ചായത്ത് സ്റ്റാന്റിങ് കമ്മറ്റി ചെയര്‍മാന്‍ വി.രഞ്ജിത്ത്, മണ്ണന്തല വാര്‍ഡ് കൗണ്‍സിലര്‍ എന്‍. അനില്‍കുമാര്‍, ജില്ലാപഞ്ചായത്ത് സെക്രട്ടറി കെ. ചന്ദ്രശേഖരന്‍നായര്‍ തുടങ്ങിയവര്‍ പങ്കെടുത്തു.