അന്തിക്കാട്: മുറ്റിച്ചൂര്‍, പടിയം ഭാഗങ്ങളില്‍ കണ്ടെത്തിയ പ്രത്യേക തരം പുഴു കര്‍ഷകര്‍ക്ക് ഭീഷണിയാകുന്നു. ചെടികള്‍, തെങ്ങോലകള്‍, വാഴ യോലകള്‍ എന്നിവ വ്യാപകമായി തിന്നു നശിപ്പിക്കുകയാണ്.പുഴുവിന് ബ്രൗണ്‍ നിറമാണ്. പുഴുവിന്റെ ദേഹത്ത് മഞ്ഞ, വെള്ള നിറങ്ങളിലുള്ള വരകളുണ്ട്. പുഴു ഏറെ അപകടകാരിയാണെന്ന് കര്‍ഷകര്‍ പറഞ്ഞു.ചെടികള്‍ക്കാണ് ഏറെ ഭീഷണി. ഇതേ ഇനത്തില്‍പ്പെട്ട വെള്ള നിറത്തിലുള്ള പുഴുക്കളെയും കണ്ടെത്തിയെന്ന് കര്‍ഷകര്‍ അറിയിച്ചു. പടിയം തെക്കിനിയേടത്ത് സുമേഷിന്റെ വീട്ടുമുറ്റത്തെ ചെടിയിലാണ് കഴിഞ്ഞ ദിവസം പുഴുവിനെ കണ്ടെത്തിയത്.