തിരുവനന്തപുരം: മാര്‍ക്ക്ദാന വിവാദത്തില്‍ എം.ജി യൂനിവേഴ്‌സിറ്റി വിശദീകരണം നല്‍കി. വിവാദത്തില്‍ ഉന്നത വിദ്യാഭ്യാസ മന്ത്രി കെ.ടി ജലീലിന് സര്‍വകലാശാല ക്ലീന്‍ചിറ്റ് നല്‍കിയതായാണ് റിപ്പോര്‍ട്ട്. അദാലത്തില്‍ മന്ത്രിയുടെ ഇടെപടല്‍ ഉണ്ടായിട്ടില്ലെന്നാണ് റിപ്പോര്‍ട്ടിന്റെ ഉള്ളടക്കം. മാര്‍ക്ക് ദാന വിവാദത്തില്‍ ജലീലിന്റെ പങ്ക് അന്വേഷിക്കണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല ഗവര്‍ണര്‍ക്ക് പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ വിശദീകരണം നല്‍കണമെന്ന് ഗവര്‍ണര്‍ യുനിവേഴ്‌സിറ്റിയോട് ആവശ്യപ്പെട്ടിരുന്നു.

അതേ സമയം സാങ്കേതിക സര്‍വകലാശാല പരീക്ഷാ നടത്തിപ്പില്‍  ഇടപെട്ടുവെന്ന് പുതിയ ആരോപണവുമായി കെ.ടി ജലീലിനെതിരെ  പ്രതിപക്ഷ നേതാവ് രമേശ് ചെന്നിത്തല രംഗത്തെത്തിയിരുന്നു.