ഇരിട്ടി:നഗരസഭയുടെ അത്തിത്തട്ട് ട്രഞ്ചിംഗ് ഗ്രൗണ്ടണ്ടില്‍ ആധുനിക രീതിയിലുള്ള മാലിന്യ സംസ്‌കരണ പ്ലാന്റ് സ്ഥാപിക്കണമെന്ന് കേരള ശാസ്ത്ര സാഹിത്യ പരിഷത്ത് ഇരിട്ടി മേഖല പരിസര വിഷയസമിതി ആവശ്യപ്പെട്ടു. സമിതി അംഗങ്ങള്‍ കഴിഞ്ഞ ദിവസം സ്ഥലം സന്ദര്‍ശിച്ച് പഠനം നടത്തിയിരുന്നു.ഇതുമായി ബന്ധപ്പെട്ട വിശദമായ റിപ്പോര്‍ട്ട് ഉടന്‍ നഗരസഭയ്ക്ക് സമര്‍പ്പിക്കുമെന്ന് പരിഷത്ത് മേഖല പ്രസിഡന്റ് കെ സുരേശന്‍ മാസ്റ്റര്‍ അറിയിച്ചു.  
പരിഷത്ത് മേഖല പ്രസിഡന്റ് കെ സുരേശന്‍, ജില്ലാ കമ്മിറ്റിയംഗം കെ ബാലകൃഷ്ണന്‍, മേഖല ട്രഷറര്‍ അശോകന്‍, ഇരിട്ടി യൂണിറ്റ് സിക്രട്ടറി ഷണ്‍മുഖം,യൂണിറ്റ് പ്രവര്‍ത്തകരായ മനു ടി, അബു ഉവ്വാപ്പള്ളി എന്നിവര്‍ അടങ്ങിയ സംഘമാണ് സ്ഥലം സന്ദര്‍ശിച്ചത്.