ഇരിട്ടി: തലശ്ശേരി സോഷ്യല്‍ സര്‍വിസ് സൊസൈറ്റിയും മംഗലാപുരം ഫാദര്‍ മുള്ളേഴ്‌സ് ആശുപത്രിയുടെയും സംയുക്താഭിമുഖ്യത്തില്‍ നാളെ അങ്ങാടിക്കടവ് സേക്രഡ് ഹാര്‍ട്ട് യു.പി സ്‌കൂളില്‍ വച്ച് സൗജന്യ മെഗാമെഡിക്കല്‍ ക്യാംപ് നടത്തുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. ജനറല്‍ മെഡിസിന്‍, പീഡിയാട്രിക്, ഗൈനക്കോളജി, ഇഎന്‍.ടി, ഒപ്താല്‍മോളജി, സ്‌കിന്‍ സ്‌പെഷ്യലിസ്റ്റ്, ജനറല്‍ സര്‍ജന്‍ എന്നീ വിഭാഗങ്ങളിലുള്ള 42 ഓളം ഡോക്ടര്‍മാരുടെ സേവനവും ക്യാന്‍സര്‍ സ്‌ക്രീനിങ്, ലാബ് സൗകര്യം, ഇസിജി എന്നിവയും ക്യാംപിലുണ്ടാകും. രാവിലെ 9.30മുതല്‍ ഉച്ചക്ക് 1.30.വരെയാണ് ഡോക്ടര്‍മാരുടെ സേവനം ലഭിക്കുക. രാവിലെ 8.30 മുതല്‍ ക്യാംപ് രജിസ്‌ട്രേഷന്‍ ആരംഭിക്കും. ക്യാംപിന്റെ ഉദ്ഘാടനം സണ്ണി ജോസഫ് എം.എല്‍.എ നിര്‍വ്വഹിക്കും. ഫാദര്‍ തോമസ് തയ്യില്‍, ജോര്‍ജ് ഒറ്റപ്ലാക്കല്‍, ജോസ് മാപ്പിള പറമ്പില്‍, ബാബു നടയത്ത്, സണ്ണി സബാസ്റ്റിയന്‍ ഓരത്ത് തുടങ്ങിയവര്‍ പങ്കെടുത്തു.