കൊല്ലം: സവര്‍ണ്ണരുടെ സര്‍വ്വാധിപത്യം നഷ്ടപെടുമെന്ന ഭയത്തിലാണ് ശബരിമലയില്‍ പ്രതിഷേധം നടത്തുന്നതെന്ന് എന്‍.ഡി.പി. യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ മാധ്യമപ്രവര്‍ത്തകരോട് പറഞ്ഞു. സര്‍ക്കാര്‍ നടപടികള്‍ കോടതി വിധിയെ മാനിച്ചു മാത്രമാണ്.

ശബരിമല ദര്‍ശനത്തിനായി തൃപ്തി ദേശായി ഇപ്പോള്‍ വരാന്‍ പാടില്ലായിരുന്നു. അയ്യപ്പനോടുള്ള ഭക്തിയുടെ പേരിലാണെങ്കില്‍ ജനുവരി 22 വരെ കാത്തിരുന്ന് ഇവിടുത്തെ തര്‍ക്കങ്ങള്‍ തീര്‍ന്നതിനുശേഷമാണ് വരേണ്ടിയിരുന്നത്.

എന്നാല്‍ നിയമം കയ്യിലെടുത്ത് അവരെ തടയുന്നത് തെറ്റാണ്. അവര്‍ക്ക് പൊലിസ് സുരക്ഷ ഒരുക്കണം. ഭക്തിയുടെ പേരില്‍ ഒരുകൂട്ടം ഭ്രാന്ത് പിടിച്ച് നടക്കുകയാണ്. അവര്‍ നിയമം കയ്യിലെടുത്ത് അരാജകത്വം സൃഷ്ടിക്കുകയാണ്. ആത്മീയതയെ മാര്‍ക്കറ്റുചെയ്ത് രാഷ്ട്രീയ വിദ്വേഷം പടര്‍ത്തുകയാണ് അവരെന്നും വെള്ളാപ്പള്ളി പറഞ്ഞു.