സന്നിധാനം: ശബരിമലയില്‍ സുരക്ഷ മുന്‍നിര്‍ത്തി കര്‍ശന നിയന്ത്രണങ്ങളുമായി പൊലിസ്: ആളുകള്‍ സന്നിധാനത്ത് തങ്ങാനുള്ള സാഹചര്യങ്ങള്‍ പരമാവധി ഒഴിവാക്കാനുള്ള നടപടികളാണ് സ്വീകരിച്ചിരിക്കുന്നത്.

അരവണ, അപ്പ പ്രസാദ കൗണ്ടറുകള്‍ ഉള്‍പ്പടെ രാത്രി പത്ത് മണിക്കും അന്നദാന കൗണ്ടര്‍ 11 മണിക്കും അടക്കണമെന്നാണ് നിര്‍ദ്ദേശം. അപ്പം, അരവണ കൗണ്ടറുകള്‍ നേരത്തെ 24 മണിക്കൂറും പ്രവര്‍ത്തിച്ചിരുന്നു.

കാല്‍നടയായി സന്നിധാനത്ത് എത്തുന്നവര്‍ക്ക് കൃത്യമായ ക്യൂ സംവിധാനം ഏര്‍പ്പെടുത്തിയിട്ടുണ്ട്. ഹോട്ടലുകള്‍ അടക്കം കച്ചവട സ്ഥാപനങ്ങള്‍ നട അടച്ച ശേഷം തുറന്നു പ്രവര്‍ത്തിക്കരുതെന്നും മുറികള്‍ വാടകയ്ക്ക് കൊടുക്കരുതെന്നും ദേവസ്വം അധികൃതര്‍ക്ക് പൊലിസ് നിര്‍ദേശം നല്‍കിയിട്ടുണ്ട്.