വട്ടിയൂര്‍ക്കാവില്‍ എല്‍.ഡി.എഫിന്റെ വി.കെ പ്രശാന്ത് നേടിയ അപ്രതീക്ഷിത മുന്നേറ്റത്തില്‍ ഞെട്ടി യു.ഡി.എഫ് കേന്ദ്രങ്ങള്‍. എന്നാല്‍ തന്റെ പരാജയം അപ്രതീക്ഷിതമല്ലെന്ന് യു.ഡി.എഫ് സ്ഥാനാര്‍ഥി കെ. മോഹന്‍ കുമാര്‍ പ്രതികരിച്ചു. വോട്ടെണ്ണല്‍ പുരോഗമിക്കുന്നതിനിടെയാണ് പരാജയം സമ്മതിച്ച് മോഹന്‍ കുമാര്‍ രംഗത്തെത്തിയത്.

ഉപതെരഞ്ഞെടുപ്പ് മുന്നില്‍ക്കണ്ട് എല്‍.ഡി.എഫ് നേരത്തെ ഒരുങ്ങിയെന്നും പ്രളയകാലത്തെ പ്രവര്‍ത്തനം അടക്കം പ്രശാന്തിന് അനുകൂലമായി വന്നുവെന്നും മോഹന്‍ കുമാര്‍ പ്രതികരിച്ചു.