തിരുവനന്തപുരം: വോട്ടെണ്ണല്‍ ആരംഭിച്ച് ഒന്നരമണിക്കൂര്‍ പിന്നിട്ടപ്പോള്‍ വട്ടിയൂര്‍ക്കാവില്‍ പരാജയം ഏറെക്കുറെ സമ്മതിച്ച് യു.ഡി.എഫ്. യു.ഡി.എഫിന്റെ പഞ്ചായത്തുകളില്‍ ഉള്‍പ്പെടെ വലിയ ലീഡ് നിലനിര്‍ത്തിയ ഇടത് സ്ഥാനാര്‍ഥി വി.കെ പ്രശാന്ത് ഇപ്പോള്‍ 4500ഓളം വോട്ടുകള്‍ക്ക് മുന്നിലാണ്.

കോര്‍പറേഷന്‍ മേയറായ വി.കെ പ്രശാന്തിന്റെ ഭരണ മികവും മലപ്പുറത്തും വയനാട്ടിലുമുണ്ടായ പ്രളയത്തില്‍ കോര്‍പറേഷന്റെ ഇടപെടലും എല്‍.ഡി.എഫിന്റെ നേട്ടത്തിന് കാരണമായതായി യു.ഡി.എഫ് സ്ഥാനാര്‍ഥി പരസ്യമായി സമ്മതിച്ചു. ഈ റിസല്‍ട്ട് തങ്ങള്‍ പ്രതീക്ഷിച്ചതാണെന്നും അദ്ദേഹം കൂട്ടിച്ചേര്‍ത്തു. മണ്ഡലത്തില്‍ ബി.ജെ.പിയുടെ വോട്ടുകള്‍ കുറഞ്ഞത് സംബന്ധിച്ച് അദ്ദേഹം പ്രതികരിച്ചിട്ടില്ല.