വോട്ടെണ്ണല്‍ പുരോഗമിക്കുന്നതിനിടെ വിജയാഘോഷം തുടങ്ങി വട്ടിയൂര്‍ക്കാവിലെ എല്‍.ഡി.എഫ് പ്രവര്‍ത്തകര്‍. വി.കെ പ്രശാന്തിനെ ആനയിച്ചാണ് പ്രവര്‍ത്തകര്‍ ആഹ്ലാദപ്രകടനം തുടങ്ങിയത്.

ആദ്യ അഞ്ചുഘട്ട വോട്ടെണ്ണല്‍ പൂര്‍ത്തിയായപ്പോള്‍ 4913 വോട്ടുകള്‍ക്ക് ലീഡ് ചെയ്യുകയാണ് വി.കെ പ്രശാന്ത്. മണ്ഡലത്തില്‍ മോഹന്‍ കുമാര്‍ പരാജയം സമ്മതിക്കുയും ചെയ്തു. ഇക്കാര്യം അദ്ദേഹം മാധ്യമങ്ങളോടു തുറന്നുപറഞ്ഞു.

വട്ടിയൂര്‍ക്കാവിലെ തോല്‍വി അപ്രതീക്ഷിതമല്ലെന്നും പ്രളയ സഹായം അടക്കമുള്ള കാര്യങ്ങള്‍ തെരഞ്ഞെടുപ്പില്‍ ഉപയോഗിച്ചുവെന്നും വിജയം മുന്‍പേ ഉറപ്പിച്ചതാണെന്നും മോഹന്‍കുമാര്‍ പറഞ്ഞു.