ആലപ്പുഴ: എല്‍.ഡി.എഫിന്റെ സിറ്റിങ് സീറ്റായ അരൂരില്‍ കച്ചമുറുക്കി പോരാട്ടത്തിനിറങ്ങിയ ഷാനിമോള്‍ ഉസ്മാന്‍ രണ്ടായിരത്തിലേറെ വോട്ടുകള്‍ക്ക് മുന്നിട്ടു നില്‍ക്കുമ്പോള്‍ അത് യു.ഡി.എഫ് ക്യാംപുകള്‍ക്ക് കൂടുതല്‍ ആശ്വാസം പകരുന്നു.

വട്ടിയൂര്‍ക്കാവിലും കോന്നിയിലുമുണ്ടായ അപ്രതീക്ഷിത തിരിച്ചടിക്കിടെയാണ് അരൂരില്‍ നിന്നും അല്‍പം ആശ്വാസം നല്‍കുന്ന ലീഡുണ്ടാകുന്നത്. നിര്‍ണായകമായ നാല്‍പതോളം ബൂത്തുകള്‍ ഇനിയും എണ്ണാനുള്ളതിന്റെ ഫലം കൂടി പുറത്തുവന്നാലെ ഇവിടുത്തെ യഥാര്‍ഥ ചിത്രം വ്യക്തമാകൂ. എം.എല്‍.എയായിരുന്ന സി.പി.എമ്മിലെ ആരിഫിന് ആറായിരിത്തിലേറേ ലീഡ് നല്‍കിയിരുന്ന മണ്ഡലമാണ് അരൂര്‍.

എന്നാല്‍ കഴിഞ്ഞ ലോക്‌സഭാ തെരഞ്ഞെടുപ്പില്‍ ഇവിടെ മത്സരിച്ച ഷാനിമോള്‍ ഉസ്മാന്് 648 വോട്ടിന്റെ ലീഡ് ലഭിച്ചിരുന്നു. എന്നാല്‍ ഈതെരഞ്ഞെടുപ്പില്‍ പുതിയ രണ്ടായിരത്തിലേറെ വോട്ടര്‍മാരുടെ ഇവരുടെ നിലപാടും കഴിഞ്ഞ തവണ എല്‍.ഡി.എഫിന് നഷ്ടമായ വോട്ടുകളില്‍ മാറ്റമുണ്ടാകാത്ത സാഹചര്യവും വന്നാല്‍ ഇവിടെ പുതുചരിത്രം സൃഷ്ടിക്കാന്‍ ഷാനിമോള്‍ ഉസ്മാന് സാധിക്കും.