ചണ്ഡിഗഡ്: ഹരിയാനയില്‍ ഭൂരിപക്ഷം നേടാന്‍ കഴിയാത്ത സാഹചര്യത്തില്‍ ബി.ജെ.പി സംസ്ഥാന അധ്യക്ഷന്‍ സുഭാഷ് ബറാല രാജിവെച്ചു. തെരഞ്ഞെടുപ്പ് ഫലം വിലിരുത്താന്‍ മുഖ്യമന്ത്രി മനോഹര്‍ലാല്‍ ഖട്ടാറടക്കമുള്ള നേതാക്കളെ പാര്‍ട്ടി ദേശീയ അധ്യക്ഷന്‍ ഡല്‍ഹിയിലേക്ക് വിളിപ്പിച്ചിരുന്നു.

അനായാസ വിജയമെന്ന് എക്‌സിറ്റ് പോളുകള്‍ പ്രവചിച്ച ഹരിയാനയില്‍ 90 അംഗസഭയില്‍ 40 സീറ്റുകളില്‍ മാത്രമാണ് ബി.ജെ.പി മുന്നിട്ട് നില്‍ക്കുന്നത്. 25 സീറ്റുകളില്‍ കോണ്‍ഗ്രസും 21 സീറ്റുകളി മറ്റു പാര്‍ട്ടികളും മുന്നിട്ട് നില്‍ക്കുന്നുണ്ട്. 75 സീറ്റുകള്‍ അനായാസം നേടാനാവുമെന്നായിരുന്നു ബി.ജെ.പിയുടെ പ്രതീക്ഷ. ഏഴു ഹരിയാന മന്ത്രിമാര്‍ അവര്‍ മത്സരിച്ച മണ്ഡലങ്ങളില്‍ പിന്നിലാണുള്ളത്.