തിരുവനന്തപുരം:പൂതന പരാമര്‍ശം തിരിച്ചടിയായെന്ന് സി.പി.എം സംസ്ഥാന സെക്രട്ടറിയേറ്റ്. ഷാനിമോള്‍ക്കെതിരായ പൂതന പരാമര്‍ശം സ്ത്രീകള്‍ക്കിടയില്‍ അവമതിപ്പുണ്ടാക്കിയെന്നും പാര്‍ട്ടി ചൂണ്ടിക്കാട്ടി.

എറണാകുളത്ത് പാര്‍ട്ടി വോട്ടുകള്‍ ബൂത്തിലെത്തിക്കുന്നതില്‍ വീഴ്ച പറ്റിയെന്നും നാലായിരത്തിലധികം പാര്‍ട്ടി വോട്ടുകള്‍ പോള്‍ ചെയ്തില്ലെന്നും സെക്രട്ടറിയേറ്റ് വിമര്‍ശിച്ചു. കേരളത്തില്‍ എല്‍.ഡി.എഫ് അനുകൂല സാഹചര്യം രൂപപ്പെട്ടപ്പോഴും സിറ്റിംഗ് സീറ്റ് നഷ്ടപ്പെട്ടത് ഏറെ ഗൗരവത്തോടെയാണ സി.പി.എം കാണുന്നത്.

ഇടത് ശക്തികേന്ദ്രങ്ങളായ പാണാവള്ളി, പെരുമ്പളം, പള്ളിപ്പുറം പഞ്ചായത്തുകളില്‍ ദയനീയ പ്രകടനം ആണ് എല്‍.ഡി.എഫ് കാഴ്ചവെച്ചത്. അരൂരിലെ തോല്‍വി ജില്ലാ കമ്മിറ്റി പരിശോധിക്കും.