ലണ്ടന്‍: ലണ്ടനിലെ എമിറേറ്റ്‌സ് സ്റ്റേഡിയത്തില്‍ നടന്ന ബ്രസീല്‍-ഉറുഗ്വെ സൗഹൃദ മത്സരത്തില്‍ ബ്രസീലിന് ജയം.
എതിരില്ലാത്ത ഒരുഗോളിനായിരുന്നു ബ്രസീലിന്റെ ജയം. 76-ാം മിനുട്ടില്‍ ലഭിച്ച പെനാല്‍റ്റിയില്‍ നിന്ന് പി.എസ്.ജി താരമായ നെയ്മറാണ് ഗോള്‍ കണ്ടെത്തിയത്.
ഉറുഗ്വെക്കായി സൂപ്പര്‍താരം ലൂയിസ് സുവാരസ്, പി.എസ്.ജി താരം എഡിസണ്‍ കവാനി എന്നിവര്‍ കളത്തിലിറങ്ങിയെങ്കിലും ടീമിനെ രക്ഷിക്കാനായില്ല. യുവന്റസ് താരം ഡഗ്ലസ് കോസ്റ്റ, ലിവര്‍പൂള്‍ താരം റോബര്‍ട്ട് ഫിര്‍മിഞോ എന്നിവര്‍ ബ്രസീലിയന്‍ നിരയില്‍ ഉള്‍പ്പെട്ടപ്പോള്‍ കസാമിറോ, തിയാഗോ സില്‍വ, മാഴ്‌സലോ എന്നിവര്‍ക്ക് കളിക്കാനായില്ല. ഇന്നലത്തെ ഗോളോടെ ബ്രസീലിനായി നെയ്മര്‍ 60 ഗോളുകള്‍ സ്വന്തമാക്കി.