പാരിസ്: ശക്തമായ പോരാട്ടത്തിലൂടെ ഇന്ത്യന്‍ താരം സൈന നെഹ്‌വാള്‍ ഫ്രഞ്ച് ഓപ്പണ്‍ ബാഡ്മിന്റണിന്റെ രണ്ടാം റൗണ്ടില്‍ പ്രവേശിച്ചു. അതേസമയം പുരുഷ താരങ്ങള്‍ നിരാശപ്പെടുത്തി. ഹോങ്കോങ് താരം ങാന്‍ യി ചെങ്ങിനെയാണ് സൈന പരാജയപ്പെടുത്തിയത്. 23-21, 21-17 എന്ന സ്‌കോറിനായിരുന്നു സൈനയുടെ ജയം. പി. കശ്യപും കെ. ശ്രീകാന്തും സമീര്‍ വര്‍മയും ആദ്യ റൗ@ണ്ടില്‍തന്നെ പുറത്തായി. ഹോങ്കോങ് താരം ആഗ്‌നസ് എന്‍ജിയോട് തോറ്റാണ് കശ്യപ് പുറത്തായത്. സ്‌കോര്‍: 21-11, 21-9. മറ്റൊരു മത്സരത്തില്‍ കെ. ശ്രീകാന്തും തോല്‍വിയോടെ മടങ്ങി. തായ് വാന്‍ താരം ചോ ടിയെന്‍ ചെന്നിനോടാണ് ശ്രീകാന്തിന്റെ തോല്‍വി. സ്‌കോര്‍: 15-21, 21-7, 21-14. ജപ്പാന്‍ താരം കെന്റാ നിഷിമോട്ടോയോട് സമീര്‍ വര്‍മയും അടിയറവ് പറഞ്ഞു. ആദ്യ സെറ്റിലെ വിജയത്തിനുശേഷം ര@ണ്ട് സെറ്റിലും പൊരുതിയെങ്കിലും സമീറിന് അവസാനം പിഴക്കുകയായിരുന്നു. മിക്‌സഡ് ഡബിള്‍സില്‍ ഇന്ത്യന്‍ താരങ്ങളായ സാത്വിക് സായ് രാജ് റെങ്കിറെഡ്ഡി, അശ്വിനി പൊന്നപ്പ സഖ്യവും ആദ്യ റൗ@ണ്ടില്‍ തോറ്റു.