കഴക്കുട്ടം: പെണ്‍കുട്ടിയെ ഫേസ്ബുക്ക് വഴി പരിചയപെട്ട ശേഷം പ്രണയം നടിച്ച് പണവും സ്വര്‍ണവും കവര്‍ന്ന കേസിലെ പ്രതികളെ പൊലിസ് അറസ്റ്റ് ചെയ്തു.
കണ്ണാന്തുറ പള്ളിവിളാകം വീട്ടില്‍ കാര്‍ത്തിക് എന്നു വിളിക്കുന്ന സുധീഷ്‌കുമാര്‍(27) കണ്ണാന്തുറ പുതുവല്‍പുത്തന്‍ വീട്ടില്‍ ശ്രീജിത്ത് ജയന്‍ (19) എന്നിവരെയാണ് അറസ്റ്റ്‌ചെയ്തത്. ആറു മാസങ്ങള്‍ക്ക് മുന്‍പ് ഫേസ്ബുക്ക് വഴി പരിചയപെട്ട ശേഷം പെണ്‍കുട്ടിയുടെ ചിത്രം മൊബൈല്‍ ഫോണില്‍ പകര്‍ത്തി.
ഈ ചിത്രം മോര്‍ഫ്‌ചെയ്ത് അശ്ലീലചിത്രമാക്കി പെണ്‍കുട്ടിയെ കാണിക്കുകയും ചിത്രം സാമൂഹിക മാധ്യമങ്ങളിലൂടെ പ്രചരിപ്പിക്കുമെന്ന് പറഞ്ഞ് പെണ്‍കുട്ടിയില്‍ നിന്നും പലതവണകളായി 42000 രൂപയും, സ്വര്‍ണവളയും തട്ടിയെടുക്കുകയും ചെയ്തുവെന്നായിരുന്നു പരാതി.
തുടര്‍ന്ന് കഴക്കൂട്ടം പൊലിസ് സ്റ്റേഷന്‍ ഇന്‍സ്‌പെക്ടര്‍ എസ്എച്ച്ഒ എസ്.വൈ. സുരേഷിന്റെ നേതൃത്വത്തിലുള്ള സംഘം പ്രതികളെ കുടുക്കുകയായിരിന്നു.
സബ് ഇന്‍സ്‌പെക്ടര്‍മാരായ സുധീഷ് കുമാര്‍, റോയ്, സി.പി.ഒ മാരായ അരുണ്‍കുമാര്‍, സന്തോഷ്, ബിജു, ശ്യാംലാല്‍, വനിത സി.പി.ഒ ബീന എന്നിവരടങ്ങുന്നസംഘമാണ് പ്രതികളെ അറസ്റ്റ് ചെയ്തത്.