കൊടുവള്ളി: സ്‌കൂള്‍ അധ്യാപികയുടെ ബാഗ് തട്ടിപ്പറിച്ച് ബൈക്കിലെത്തിയ സംഘം കടന്നുകളഞ്ഞതായി പരാതി.
 ആരാമ്പ്രം ജി.എം.യു.പി സ്‌കൂള്‍ അധ്യാപിക സുമയുടെ പണമടങ്ങിയ ബാഗാണ് സ്‌കൂളിനടുത്ത് വച്ച് ഇന്നലെ ഉച്ചക്ക് ഒന്നിന് നഷ്ടമായത്.
സ്‌കൂട്ടറില്‍ ബാങ്കില്‍ പോയി തിരിച്ച് വരുന്നതിനിടെ സ്‌കൂട്ടര്‍ തെന്നിമാറി നിലത്ത് വീണ് ദേഹത്ത് ചെളിയായ അധ്യാപിക ഇത് സമീപത്ത് നിന്ന് കഴുകി വൃത്തിയാക്കുന്നതിനിടെയാണ് സ്‌കൂട്ടറില്‍ കൊളുത്തിയ ബാഗ് തട്ടിയെടുത്ത് ബൈക്കിലെത്തിയ സംഘം കടന്നു കളഞ്ഞത്.
എഴുപതിനായിരത്തോളം രൂപയും മൊബൈല്‍ ഫോണും താക്കോല്‍ കൂട്ടങ്ങളുമാണ് നഷ്ടപ്പെട്ടത്.
ആരാമ്പ്രം അങ്ങാടിക്ക് സമീപം പടനിലം പാലത്തിനടുത്തു കൂടെ നടന്നു പോവുകയായിരുന്ന സ്്ത്രീയുടെ ബാഗും തട്ടിപ്പാറിക്കാന്‍ ശ്രമം നടന്നെങ്കിലും വിഫലമാവുകയായിരുന്നു. കുന്ദമംഗലം പൊലിസില്‍ പരാതി നല്‍കി.